ʻE Fakaʻau ʻo Toe Lelei Ange
“Naʻe fakamālohia ʻa kinautolu ʻe he ʻEikí koeʻuhí ke nau lava ʻo fua faingofua ʻa ʻenau ngaahi kavengá” (Mōsaia 24:15).
-
Ko e ʻuluaki ʻaho ʻeni ʻo ʻElioti ʻi ha ʻapiako foʻou, pea naʻe manavasiʻi.
Fineʻeiki, te u taʻe-lata au mo ʻofa ki hoku ngaahi kaungāmeʻá.
ʻOku ou ʻilo ʻe pehē, ka te ke maʻu ha ngaahi kaungāmeʻa foʻou.
-
Hili ʻene aʻu atu ki he akó, ne tangutu ʻa ʻElioti ʻi ha loki ako foʻou. Naʻe ʻosi maheni pē ha konga lahi ia ʻo e fānau akó. Naʻa nau talanoa mo kakata. Kae tangutu fakalongolongo pē ʻa ʻElioti.
-
ʻI he mālōlō siʻí, naʻe ʻikai ke maʻu ʻe ʻEiloti ia ha taha ke na vaʻinga. Naʻe ʻikai ke ne ʻilo ʻe ia pe ko hai ʻe kole ki aí. Ne fai ange ʻe ha fānau tangata ʻe niʻihi ʻi he malaʻe vaʻinga ha lea taʻe-ʻofa ki ai. Naʻe ʻikai ke fiefia ʻa ʻElioti.
-
Ne foki atu ʻa ʻElioti mei he akó ki ʻapi ʻoku loto mamahi.
“Ko e hā e meʻa ʻoku hokó?”
Naʻá ku faingataʻaʻia he akó he ʻahó ni. Talamai ʻe koe ʻe maʻu haku ngaahi kaungāmeʻa foʻou, ka naʻe ʻikai. Naʻe anga taʻe-ʻofa ha tamaiki tangata ʻe niʻihi kiate au, ka naʻe ʻikai ke u fai ha meʻa kiate kinautolu.
-
ʻOku ou kole fakamolemole atu hoʻo mamahi he ʻahó. Kapau te ke feinga, ʻe fakaʻau pē ʻo toe lelei ange. Mahalo ʻoku totonu ke ke lotuʻi ia. Ko e hā haʻo fakakaukau?
Sai. ʻOku ou loto ke u fiefia moʻoni ʻi he akó.
-
Ne lotu ʻa ʻElioti he ʻaho kotoa ke ne maʻu ha tokoni ka ne maʻu ha ʻaho fiefia ʻi he akó. Naʻe ʻi ai ha ngaahi ʻaho ʻe niʻihi naʻe kovi ange, ka naʻe kamata māmālie leva ke ne maʻu ha ngaahi kaungāmeʻa ke vaʻinga mo ia.
-
Naʻe hoko atu pē lotu ʻa ʻEiloti ke maʻu ha tokoní. Hili ha ngaahi uike siʻi, kuo vaʻinga ʻa ʻElioti mo hano kaungāmeʻa foʻou i he ʻaho kotoa pē. Neongo naʻe ʻikai ke angalelei ʻa e fānaú kotoa, ka naʻe ʻikai ke nau toe fakahohaʻasi lahi ia. Ne ʻilo ʻe ʻElioti kuo tāpuekina ia ʻe he Tamai Hēvaní koeʻuhí ke fiefia ʻi hono ʻapiako foʻoú.