Utumishi kupitia Programu ya Watoto na Vijana

Kukaribisha wengine kukua na kuwasaidia njiani ndio kiini hasa cha utumishi.

Picha

young man playing keyboard

Picha na Tom Garner

Fursa nyingi za utumishi kupitia Programu ya Watoto na Vijana. Labda una watoto au vijana wako mwenyewe nyumbani. Labda wewe ni kiongozi katika programu au unazitumikia familia zenye watoto na vijana. Au huenda yawezekana unawajua baadhi ya watoto au vijana (ambao wanapaswa kutuhusu sisi sote). Kwa vyovyote hali yako inavyoweza kuwa, kuna njia nyingi za kutumia programu hii au kanuni zake ili kubariki maisha ya wengine.

Kujiendeleza Sisi Wenyewe Pamoja

Katika moyo wa Watoto na Vijana ni lengo la kujaribu kila siku kuwa zaidi kama Mwokozi, aliye tumikia kikamilifu. Wengi wa wale ambao wameshiriki katika programu wamejifunza kuwa kadiri unavyoendelea katika maeneo mbali mbali ya maisha yako, unakuwa umejiandaa vyema zaidi kuwasaidia au kuwatumikia wengine.

Lakini pamoja na programu ya Watoto na Vijana, kuwabariki wengine sio lazima kungojea hadi ujifunze jambo fulani. Kitendo cha kujifunza chenyewe hutoa fursa za kutumikia.

Kwa kijana anayeitwa Prophet anayeishi Ghana, kuweka lengo kwa Watoto na Vijana kujifunza jinsi ya kupiga piano ilikuwa mwanzo tu. “Ni lengo langu pia kusaidia watu wengine kujua kile ninachojifunza,” Prophet anasema.

Hata ingawa bado sio mfundishaji, lengo lake tayari limekua na kuwa jambo kubwa sana kuliko alivyofikiria. Sasa kuna wanafunzi 50 ambao wanachukua madarasa ya piano kwenye nyumba ya mkutano pamoja na Prophet. Na ni nani anamfundisha Prophet na hao wanafunzi wengine 50? Alexander M. na Kelvin M., wote wa miaka 13. “Tunataka kuonyesha vitendo vya ukarimu kwa watu wengine,” Kelvin anasema.

Siku tatu kwa wiki vijana hao wawili hufundisha bure masomo ya msingi ya piano kwa wote wanaokuja kujifunza. Kumekuwa na faida iliyoongezeka kwa masomo ya piano. Wanafunzi kadhaa walitambulishwa Kanisani kupitia masomo ya piano baadaye walisoma injili na kuamua kubatizwa.

Tunapojitahidi kujiboresha, tunaweza kuwatumikia wengine kwa kuwaalika wajiunge nasi.

Picha

woman preparing food

Picha na Jonas Rebicki

Mbinu za Ushindi wa Utumishi

Kama rais wa Msingi wa kigingi, Sabrina Simões Deus Augusto wa Curitiba, Brazil, ameona jinsi mambo ya maendeleo binafsi ya programu hii yanavyobariki watoto na vijana katika kigingi chake. Lakini pia ameona njia nyingi za kutumia kile alichojifunza juu ya maendeleo binafsi katika majukumu yake kama dada mtumishi.

“Wakati ninapoendeleza kipaji,” Dada Augusto anasema, “Naweza kutumia kipaji hicho ili kumbariki mtu ambaye ninamtumikia.”

Dada Augusto alimfundisha mmoja wa akina dada ambaye amepangiwa kumhudumia jinsi ya kutengeneza chokoleti za biskuti. Dada huyo sasa sasa anatengeneza na kuuza biskuti ili kusaidia kuongeza kipato cha familia yake. “Miezi kadhaa baadaye, nilibarikiwa wakati dada mwingine aliponifundisha jinsi ya kutengeneza mkate wa asali ambao ningeweza kuuza,” Dada Augusto alisema. “Kukuza na kushiriki talanta zetu kunaweza kubariki maisha ya kila mmoja na kuongeza uhusiano wetu kama akina dada watumishi.”

Je, ni Jinsi Gani Programu ya Watoto na Vijana Inakusaidia Wewe Kutumikia?

Waalike wengine kushiriki katika programu ya Watoto na Vijana.

Unaweza kuzialika familia za vijana na watoto unaowatumikia kushiriki katika programu ya Watoto na Vijana. Wanaweza kupendezewa kushiriki katika shughuli, maendeleo binafsi, au hata vipengele vya kusoma injili vya programu hiyo. (Kwa taarifa zaidi kuhusu utumishi kupitia Njoo, Unifuate, ona “Utumishi kupitia Njoo, Unifuate,” katika Septemba 2020 Liahona)
Unga mkono malengo yao.

Kama kaka au dada mtumishi kwa familia zilizo na vijana, uko katika nafasi ya asili ya kuunga mkono malengo ambayo wanaweza kuwa wanayafanyia kazi watoto na Vijana. Wakati malengo yao ni ya binafsi, ikiwa unajua wanavutiwa na nini, unaweza kutoa msaada kwa njia mbali mbali. Hii inaweza kuchukua hali ya kupata vifaa vya sanaa ambavyo wanavitafuta, kuwa mwamuzi wa utengenezaji wa biskuti, au kuwa mshauri katika eneo ambalo una maarifa. Je, unajua jinsi ya kubadilisha mafuta katika gari? Kushona nguo zilizochanika? Wewe ni bingwa wa usaili kwa ajili ya kazi? Unaweza kujitolea kushiriki elimu au ujuzi ulionao kama wanapenda.
Alika wengine kuwa sehemu ya maendeleo yako binafsi.

Maendeleo binafsi hayajazuiliwa kwa watoto na vijana. Unaweza kushiriki katika programu wewe mwenyewe bila kujali umri wako. Unapotumia muda kuboresha maeneo ya maisha yako ya kiroho, kijamii, kimwili, na kiakili, utakuwa umejiandaa vyema kuwatumikia watu , bila kujali unakutana na nani. Na kama Prophet huko Ghana, unaweza kubariki wengine kwa kuwaalika kushirikiana nawe, iwe ni kuandaa masomo ya piano, kwenda kwenye darasa la mazoezi, au kujifunza lugha pamoja.
Fanya utumishi kuwa lengo.

Fikiria kutumia muda kila siku kwa ajili ya kutumikia. Hii inaweza kuwa kutuma ujumbe au kwenda kuona jinsi mambo yanavyokwenda au kupanga kukutana pamoja. Inaweza kujumuisha kuchukua muda wa kupangilia siku za kuzaliwa za wale unao watumikia au kuwafuata kwenye mitandao ya kijamii ili kujua kile wanachovutiwa nacho au walichokuwa wakifanya hivi karibuni. Hata kuchukua dakika tano tu kufikiri juu ya kile mtu mwingine anachohitaji kunaweza kusababisha mawazo yenye mwongozo wa kiungu ambayo yanaweza kuleta mabadiliko.