“Kapitulo 10: Ang Unang Milagro diha sa Simbahan: Abril 1830,” Mga Istorya sa Pagtulun-an ug mga Pakigsaad (2002), 43–44
“Kapitulo 10,” Mga Istorya sa Pagtulun-an ug mga Pakigsaad, 43–44
Kapitulo 10
Ang Unang Milagro diha sa Simbahan
(Abril 1830)
Ang sunod nga panagtigum sa Simbahan ni Jesukristo gihimo sa usa ka Domingo, 16 sa Abril 1830. Ang mga sakop sa Simbahan mitambong sa panagtigum. Ang mga sakop gitawag ug mga Santos.
Daghan nga mga katawhan mitambong sa panagtigum. Sila dili mga sakop sa Simbahan. Si Oliver Cowdery mitudlo kanila sa ebanghelyo ni Jesukristo. Ang uban sa mga katawhan mituo kang Oliver ug buot nga mopasakop sa Simbahan. Sila gibunyagan pagkahuman sa panagtigum.
Si Satanas dili buot nga ang mga katawhan mopasakop sa Simbahan. Si Satanas misulay paghimo nga ang mga matarung nga katawhan mobati ug kangil-ad. Usa niini nga katawhan mao ang usa ka tawo nga ginganlan ug Newel Knight. Si Newel Knight dili usa ka sakop sa Simbahan. Si Satanas dili buot nga siya magpabunyag.
Si Joseph mihangyo kang Newel sa paghatag ug pag-ampo diha sa panagtigum. Si Newel miingon nga siya moampo.
Si Satanas dili buot nga si Newel motuman kang Joseph. Si Newel miadto sa panagtigum, apan siya dili moampo. Siya miingon nga siya nahadlok nga moampo sa makusog nga tingog.
Sa wala madugay si Newel Knight miadto ngadto sa kakahoyan. Siya buot nga mag-ampo nga mag-inusara. Si Satanas dili buot nga siya mag-ampo. Si Newel misulay sa pag-ampo, apan siya dili makasulti. Siya nahimo nga nagdaut. Siya naguol ug nahadlok. Si Newel mipauli sa ilang pinuy-anan.
Ang asawa ni Newel naguol mahitungod kaniya. Siya mihangyo kang Joseph Smith sa pagtabang kang Newel. Si Joseph Smith migamit sa iyang gahum sa pagkapari sa pagpanalangin kang Newel. Unya si Newel mibati ug kaayo pag-usab. Siya wala magdaut. Siya wala mahadlok. Siya malipayon. Si Satanas dili makapasakit kaniya. Sa wala madugay si Newel Knight nabunyagan.