“Kapitulo 37: Mga Pangulo sa Pagkapari: Pebrero 1835,” Mga Istorya sa Pagtulun-an ug mga Pakigsaad (2002), 140–44
“Kapitulo 37,” Mga Istorya sa Pagtulun-an ug mga Pakigsaad, 140–44
Kapitulo 37
Mga Pangulo sa Pagkapari
(Pebrero 1835)
Si Joseph Smith adunay mahinungdanon nga katiguman sa Kirtland, Ohio. Siya naghangyo sa mga kalalakin-an sa Kampo sa Zion sa pagtambong. Si Joseph misulti sa mga kalalakin-an nga si Jesus buot nga 12 ka mga Apostoles motabang sa pagpangulo sa iyang Simbahan.
Ang Ginoo misulti kang Oliver Cowdery, David Whitmer, ug Martin Harris sa pagpili ug mga Apostoles. Sa panagtigum si Oliver, David, ug Martin gipanalanginan sa Unang Kapangulohan sa Simbahan. Unya sila miampo ug dungan. Sila nagpili ug 12 ka maayo nga mga lalaki.
Ang mga kalalakin-an giordinaham. Sila mao ang Napulo ug Duha ka mga Apostoles.
Ang mga Apostoles maoy mga mahinungdanon nga mga kalalakin-an sa Simbahan. Sila nasayud nga si Jesus mao ang atong Manluluwas. Sila nagtudlo sa ebanghelyo sa tibuok kalibutan.
Human sa pipila ka mga adlaw, ang ubang mga kalalakin-an napili nga mga pangulo sa Simbahan. Sila gitawag ug ang Unang Korum sa Kapitoan. Ang unang Korum sa Kapitoan motabang sa mga Apostoles. Sila mao ang mga pangulo sa misyonaryong trabaho sa Simbahan.
Usa ka adlaw ang Napulog Duha ka mga Apostoles diha sa usa ka katiguman. Sila nangandam sa pag-adto sa mga misyon. Sila naninguha sa pagkamatarung. Sila nangayo sa Langitnong Amahan ug panabang.
Ang mga Apostoles mihangyo kang Joseph Smith sa pag-ampo alang sa usa ka pagpadayag nga makatabang kanila sa ilang mga misyon. Si Jesus mihatag kang Joseph ug sa mga Apostoles ug usa ka mahinungdanong pagpadayag. Siya misulti kanila mahitungod sa pagkapari.
Ang pagkapari mao ang gahum sa Dios. Kini mao ang labing mahinungdanong gahum sa yuta. Ang Dios naghatag sa pagkapari ngadto sa mga matarung nga lalaki. Ang mga lalaki mogamit sa pagkapari sa paghimo sa trabaho sa Dios.
Adunay duha ka pagkapari sa Simbahan. Ang usa mao ang Melchizedek nga Pagkapari. Ang mga pangulo sa Simbahan adunay Melchizedek nga Pagkapari. Ang mga pangulo mao ang Presidente sa Simbahan ug ang iyang mga magtatambag, ang Napulog Duha ka mga Apostoles, ug ang Unang Korum sa Kapitoan.
Ang Presidente sa Simbahan mao ang propeta sa Dios. Siya mosulti sa mga katawhan unsay ipabuhat ni Jesus kanila. Ang mga propeta adunay mga lalaki kinsa motabang kaniya. Sila mao ang iyang mga magtatambag. Ang propeta ug ang iyang mga magtatambag mao ang Unang Kapangulohan sa Simbahan.
Ang ubang mga kalalakin-an sa Simbahan adunay Melchizedek nga Pagkapari. Sila gitawag ug halangdon nga mga pari, mga kapitoan, ug mga elder. Ang halangdon nga mga pari mahimo nga mga patriarka, mga presidente sa stake, mga halangdong konseho, ug mga bishop.
D&C 107:5, 7, 9, 10, 17, 25, 39
Pipila sa mga kalalakin-an napili nga mahimong mga kapitoan. Sila nagtudlo sa ebanghelyo sa mga ward ug mga stake.
D&C 107:96–97
Ang ubang mga kalalakin-an napili nga mga elder. Ang mga elder magmisyon.
D&C 107:7; 133:8
Ang tanang mga kalalakin-an nga adunay Melchizedek nga Pagkapari makapanalangin sa mga katawhan. Sila makahatag sa mga katawhan sa Espiritu Santo.
Ang lain nga pagkapari mao ang Aaronic nga Pagkapari. Mga pari, mga magtutudlo, ug mga deacon adunay Aaronic nga Pagkapari. Ang mga pari makabunyag sa mga katawhan. Sila mopanalangin sa sakramento. Sila motabang sa mga elder.
Ang mga magtutudto motabang sa pag-andam sa sakramento. Sila moduaw sa pagtudlo sa pinuy-anan. Sila motabang sa mga sakop sa Simbahan sa pagpuyo ug maayo nga kinabuhi.
Ang mga deacon moapud-apud sa sakramento. Sila motabang sa mga bishop. Sila mangolekta sa mga halad sa puasa.
Si Jesus miingon nga ang tanang kalalakin-an nga may gahum sa pagkapari kinahanglan makakat-on unsa ang buot ipabuhat sa Dios kanila. Sila kinahanglan motrabaho pag-ayo. Unya ang Langitnong Amahan mopanalangin kanila.