“Kapitulo 49: Ang Mga Santos sa Nauvoo: Enero–Hulyo 1841,” Mga Istorya sa Pagtulun-an ug mga Pakigsaad (2002), 183–84
“Kapitulo 49,” Mga Istorya sa Pagtulun-an ug mga Pakigsaad, 183–84
Kapitulo 49
Ang Mga Santos sa Nauvoo
(Enero–Hulyo 1841)
Si Joseph Smith ug daghan sa mga Santos nanagpuyo sa Nauvoo, Illinois. Si Jesus mihatag kang Joseph ug pipila ka mga mahinungdanong mga pagpadayag. Si Jesus miingon siya nalipay sa nahimo ni Joseph. Si Jesus miingon nga ang tanang mga hari ug mga pangulo sa kalibutan kinahanglan nga matudloan sa ebanghelyo.
Si Jesus miingon nga ang mga Santos kinahanglan magtukod ug templo sa Nauvoo. Siya buot nga ang mga Santos mohatag sa ilang mga bulawan ug pilak alang sa templo. Kinahanglan magdala sila ug daghang matang sa maanindot nga kahoy aron sa pagtukod nga templo.
Si Jesus miingon nga siya moanha sa templo. Siya mohatag ug mga pagpadayag mahitungod sa iyang Simbahan ug sa pagkapari.
Si Jesus misulti kang Joseph nga ang mga Santos kinahanglan nga magpabunyag alang sa mga katawhan nga nangamatay na. Siya miingon nga kinahanglan sila nga magtukod ug usa ka bunyaganan sulod sa templo. Sila mahimo nga bunyagan alang sa mga patay diha sa bunyaganan.
Si Jesus miingon nga iyang gihigugma ang igsoong lalaki ni Joseph nga si Hyrum. Si Hyrum Smith maoy mahimong Patriarka sa Simbahan. Mihatag siya ug tinuyo nga mga panalangin sa mga Santos.
Usa ka adlaw niana, ang Ginoo mihatag ug pagpadayag mahitungod ni Brigham Young. Si Jesus miingon nga iyang gihigugma si Brigham Young. Siya nasayud nga si Brigham Young naghago pag-ayo alang sa Simbahan. Siya nahilayo sa iyang pinuy-anan sa daghang higayon tungod sa iyang pagmisyon. Siya mibiya sa iyang banay sa makadaghan nga mga higayon.
Ang Ginoo miingon nga si Brigham Young kinahanglan magpabilin na sa iyang banay. Siya kinahanglan nga mohatag ug talagsaon nga pag-alima kanila.