“Kapitulo 21: Ang Propeta Miadto sa Missouri: Mayo–Hunyo 1831,” Mga Istorya sa Pagtulun-an ug mga Pakigsaad (2002), 81–83
“Kapitulo 21,” Mga Istorya sa Pagtulun-an ug mga Pakigsaad, 81–83
Kapitulo 21
Ang Propeta Miadto sa Missouri
(Mayo–Hunyo 1831)
Kadaghanan sa mga Santos nagpuyo gihapon sa New York. Si Joseph Smith ug Sidney Rigdon didto sa Kirtland, Ohio. Si Joseph misulti sa mga Santos sa New York sa pag-adto ngadto sa Ohio. Sila misunod sa Propeta. Sila nangadto sa Ohio.
Si Jesus misulti kang Joseph nga ang mga Santos sa Kirtland kinahanglan makigbahin sa ilang yuta sa mga Santos nga gikan sa New York. Si Leman Copley adunay daghan nga yuta. Siya misaad nga makigbahin niini. Ang mga Santos gikan sa New York mibalhin ngadto.
Si Leman Copley wala motuman sa iyang saad. Siya dili buot nga ang mga Santos nga gikan sa New York makaangkon sa yuta. Sila kinahanglan mobalhin. Sila walay dapit nga kapuy-an.
Si Newell Knight mao ang ilang pangulo. Siya wala masayud unsa ang buhaton. Siya miadto aron sa pakigkita kang Propeta Joseph. Siya nangutana kang Joseph unsa ang kinahanglan buhaton sa mga Santos.
Ang Ginoo misulti kang Joseph nga ang mga Santos gikan sa New York kinahanglan mobalhin dayon ngadto sa Missouri.
Sa wala pa sila mobiya, ang mga Santos nagkomperensya sa Kirtland. Ang komperensya milungtad ug tulo ka mga adlaw. Ang Ginoo mihatag ug pipila ka mga mahinungdanon nga mga pagpadayag kang Joseph Smith.
Ang Ginoo nagsugo kang Joseph sa pag-orden sa unang halangdon nga pari sa Simbahan. Ang mga halangdon nga pari adunay Melchizedek nga Pagkapari. Sila mga pangulo sa Simbahan. Daghan nga mga pangulo sa Simbahan giordinahan nga mga halangdon nga pari.
Ang Ginoo miingon nga uban sa mga kalalakin-an kinahanglan nga magmisyon ngadto sa Missouri. Sila kinahanglan mosangyaw sa ebanghelyo diha sa dalan. Sa natapos na ang komperensya, ang mga misyonaryo miadto sa Missouri.
Ang Ginoo misulti kang Joseph nga ang sunod nga komperensya sa Simbahan himoon sa Jackson County, Missouri. Siya misulti kang Joseph ug sa iyang mga higala sa pag-adto didto. Ang Zion itukod sa Jackson County. Si Jesus mopakita kanila diin itukod ang siyudad sa Zion.