“Kapitulo 2: Ang Unang Panan-awon ni Joseph Smith: 1820,” Mga Istorya sa Pagtulun-an ug mga Pakigsaad (2002), 9–12
“Kapitulo 2,” Mga Istorya sa Pagtulun-an ug mga Pakigsaad, 9–12
Kapitulo 2
Ang Unang Panan-awon ni Joseph Smith
(1820)
Si Joseph Smith ug ang iyang banay mituo sa Dios. Sila magdungan sa pagbasa sa Bibliya. Ang amahan ug inahan ni Joseph nagtudlo sa ilang mga anak sa pagbinuotan.
Dihay daghan nga simbahan sa Palmyra. Ang tanan nga katawhan miingon nga ang ilang simbahan mao ang matuod nga simbahan. Sila miingon nga ang uban nga mga simbahan sayop. Si Joseph wala masayud asa nga simbahan mopasakop. Siya buot nga masayud hain ang tinuod nga Simbahan ni Jesukristo.
Usa ka adlaw niana si Joseph Smith mibasa sa Bibliya. Siya nagpanuigon ug napulog upat ka tuig. Siya nakabasa nga kita kinahanglan mangutana sa Dios sa panahon nga kita buot masayud mahitungod sa usa ka butang. Si Joseph nakahukom sa pag-ampo. Siya kinahanglan mangutana sa Dios asa nga simbahan siya mopasakop.
Usa kadto ka matahum nga adlaw sa tingpamulak. Si Joseph miadto sa mga kakahuyan duol sa ilang panimalay. Siya miluhod. Siya miampo ug makusog. Siya adunay hugot nga pagtuo nga ang Langitnong Amahan motubag sa iyang pag-ampo.
Si Satanas dili buot nga si Joseph mag-ampo. Si Satanas misulay sa pagpugong kaniya. Si Satanas mihimo niini nga mongitngit ang palibot ni Joseph. Siya dili makasulti. Siya nahadlok.
Si Joseph wala mohunong sa pag-ampo. Si Satanas dili makahimo sa pagpahunong kaniya.
Unya si Joseph adunay panan-awon. Siya nakakita ug usa ka matahum, masiga nga kahayag. Ang kahayag naglibot kaniya. Siya nakakita sa Langitnong Amahan ug ni Jesukristo. Sila nagtindog ibabaw kaniya diha sa kahayag. Ang Langitnong Amahan mitudlo ngadto ni Jesukristo ug miingon, “Kini mao ang akong Hinigugmang Anak. Paminawa siya.”
Si Joseph nangutana ni Jesus hain nga simbahan ang matuod. Siya nangutana hain nga simbahan kinahanglan siya magpasakop. Si Jesus miingon kang Joseph sa dili pagpasakop bisan hain sa mga simbahan. Si Jesus miingon nga ang tanang mga simbahan sayop. Walay usa kanila iya nga simbahan. Siya misulti kang Joseph ug uban pang daghan nga mga butang. Unya ang panan-awon natapos. Si Joseph nag-inusara.
Si Joseph mipauli sa panimalay. Ang iyang inahan nangutana kon siya wala bay gipamati. Si Joseph mitando. Siya misulti sa iyang inahan nga siya nakakita ug usa ka panan-awon. Siya misulti kaniya unsa ang iyang nahibaloan diha sa iyang panan-awon.
Si Joseph misulti sa ubang mga katawhan sa lungsod mahitungod sa iyang panan-awon. Ang mga katawhan wala motuo kaniya. Sila nagtuo nga siya nagsulti ug bakak. Sila nasuko kaniya. Sila ngil-ad ngadto kaniya.
Si Joseph kanunay nga nagsulti sa tinuod mahitungod sa iyang panan-awon. Siya nasayud nga siya nakakita sa Langitnong Amahan ug ni Jesukristo. Siya nasayud nga wala sa mga simbahan sa yuta ang tinuod.