“Kapitulo 24: Mga Ginikanan Kinahanglan Motudlo sa Ilang mga Anak: Nobyembre 1831,” Mga Istorya sa Pagtulun-an ug mga Pakigsaad (2002), 93–95
“Kapitulo 24,” Mga Istorya sa Pagtulun-an ug mga Pakigsaad, 93–95
Kapitulo 24
Mga Ginikanan Kinahanglan Motudlo sa Ilang mga Anak
(Nobyembre 1831)
Ang pipila sa mga Santos sa Ohio miadto aron sa pakigkita ni Joseph Smith. Si Jesus mihatag kang Joseph ug usa ka pagpadayag alang kanila. Si Jesus misulti sa mga Santos unsaon aron mahimong maayo nga mga ginikanan.
D&C 68: Pasiuna
Si Jesus miingon nga ang mga kabataan kinahanglan mabunyagan sa panahon nga sila walo ka tuig ang panuigon. Si Jesus mimando sa mga ginikanan sa pagtudlo sa ilang mga anak sa ebanghelyo sa dili pa sila bunyagan.
Ang mga kabataan kinahanglan masayud mahitungod ni Jesus. Sila kinahanglan adunay hugot nga pagtuo diha kaniya.
Ang mga kabataan kinahanglan masayud unsaon paghinulsol.
Ang mga kabataan kinahanglan masayud mahitungod sa pagbunyag. Sila kinahanglan makakat-on nga mahimong maayo nga sakop sa Simbahan.
Ang mga kabataan kinahanglan masayud unsaon pag-ampo. Sila kinahanglan masayud unsaon pagpaminaw sa Espiritu Santo.
Ang mga kabataan kinahanglan masayud sa mga kasugoan sa Dios. Sila kinahanglan motuman sa mga kasugoan.
Ang mga ginikanan kinahanglan motudlo sa ilang mga anak niining mga butanga. Ang mga ginikanan kamahayan sa mga kasal-anan sa ilang mga anak kon sila dili motudlo kanila sa ebanghelyo.