“Kapitulo 42: Far West, Missouri: Enero–Hulyo 1838,” Mga Istorya sa Pagtulun-an ug mga Pakigsaad (2002), 161–63
“Kapitulo 42,” Mga Istorya sa Pagtulun-an ug mga Pakigsaad, 161–63
Kapitulo 42
Far West, Missouri
(Enero–Hulyo 1838)
Ang dautang mga katawhan sa Kirtland dili maghinulsol. Sila buot mopatay ni Joseph Smith. Gikinahanglan nga mobiya si Joseph sa Kirtland. Tingtugnaw kadto ug tugnaw kaayo. Ang mga kaaway ni Joseph nagsunod-sunod kaniya. Aduna silay mga baraw ug mga pusil aron patyon siya.
Si Joseph kinahanglan nga motago. Siya gipanalipdan sa Ginoo aron dili siya makit-an sa iyang mga kaaway. Usa ka gabii niana si Joseph natulog sa balay diin anaa usab ang iyang mga kaaway. Wala sila masayud nga diha usab siya.
Dihay usa ka higayon si Joseph nalabyan sa iyang mga kaaway sa dalan. Nanan-aw sila kaniya. Wala sila makaila kaniya.
Si Joseph mipanaw ug kagatusan ka milya. Miadto siya sa Far West, Missouri. Ang mga Santos sa Missouri nangalipay sa pagkakita kaniya.
Ang uban nga mga pangulo sa Missouri wala magsunod sa mga kasugoan sa Dios. Sila dili maghinulsol. Sila nasuko kang Joseph. Sila buot nga madato.
Si Joseph naguol. Kini silang mga tawhana iyang mga higala. Oliver Cowdery, David Whitner, ug uban pang mga tawo mahimulag. Dili na sila mga sakop sa Simbahan ni Jesukristo.
Lain nga mga tawo ang napili aron mahimong pangulo sa Simbahan sa Far West.
Usa ka adlaw niana si Joseph miadto sa usa ka dapit duol sa Far West. Si Jesus miingon nga kining dapita ginganlan ug Adam-ondi-Ahman. Usa kini ka talagsaon nga dapit. Si Jesus nakigsulti kang Adan didto ug mipanalangin kaniya. Si Adan mipanalangin sa iyang mga anak sa Adam-ondi-Ahman. May adlaw ra nga si Jesus ug si Adan ug uban pang matarung nga katawhan magkita didto pag-usab.