“Kapitulo 19: Ang Ikaduhang Pag-anhi ni Jesukristo: Pebrero–Marso 1831,” Mga Istorya sa Pagtulun-an ug mga Pakigsaad (2002), 70–76
“Kapitulo 19,” Mga Istorya sa Pagtulun-an ug mga Pakigsaad, 70–76
Kapitulo 19
Ang Ikaduhang Pag-anhi ni Jesukristo
(Pebrero–Marso 1831)
Ang ubang mga katawhan sa Kirtland, Ohio, nagsulti ug bakak mahitungod sa mga Santos. Kining mga katawhan dili buot nga makakat-on sa ebanghelyo.
D&C 45: Pasiuna
Si Jesus misulti kang Joseph Smith nga Siya moanhi pag-usab sa yuta sa dili madugay. Sa dili pa Siya moanhi, matag usa sa yuta kinahanglan mamati sa ebanghelyo. Ang mga Santos kinahanglan motrabaho pag-ayo aron sa pagtudlo sa ebanghelyo. Sila kinahanglan mahimo nga maayong mga misyonaryo.
Samtang si Jesus nagpuyo dinhi sa yuta, siya misulti sa iyang mga Apostoles unsay mahitabo sa dili pa siya moanhi pag-usab.
Si Jesus misulti sa iyang mga Apostoles nga ang templo sa Jerusalem pagalumpagon. Ang mga Judeo mapugos sa pagpuyo sa ubang mga kayutaan. Daghang mga Judeo ang patyon. Adunay daghang mga gubat. Ang mga katawhan dili managhigugmaay sa usag usa. Ang tinuod nga simbahan mawala sa yuta.
Unya ang Langitnong Amahan mosugod pag-usab sa tinuod nga simbahan sa yuta. Ang ebanghelyo ni Jesukristo mahisama sa usa ka kahayag diha sa kangitngit.
Daghang mga butang nga gisulti ni Jesus nahitabo na. Siya misulti mahitungod sa Iaing mga butang nga mahitabo pa. Daghang mga katawhan ang makig-away sa usag usa. Daghang mga katawhan ang masakit. Adunay mga linog. Ang adlaw mongitngit. Ang buwan mahisama sa dugo. Ang mga bitoon mahulog.
D&C 45:26, 29, 31, 33. 42
Sa panahon nga kining mga butanga mahitabo, ang mga matarung nga katawhan masayud nga si Jesus hapit na mobalik. Sila buot nga siya mobalik. Daghang mga Judeo ang mobalik ngadto sa Jerusalem. Sila mamati sa ebanghelyo.
Ang mga matarung nga Santos motukod sa bag-ong siyudad sa Zion. Sila luwas sa Zion. Sila dili mag-away sa usag usa. Sila magmalipayon kaayo. Sili mag-awit ug alawiton sa kalipay. Ang mga dautang katawhan dili mahimo nga makaadto sa Zion.
Si Jesus moahni pag-usab sa kalibutan. Ang mga matarung nga katawhan makakita kaniya. Siya moanhi diha sa kahayag nga panganod. Ang tanang mga matarung nga katawhan kinsa nangamatay na mabanhaw. Sila mosugat kang Jesus diha sa panganod. Sila moanhi sa yuta kuyog kaniya.
Si Jesus mobalik sa Jerusalem. Siya motindog didto sa usa ka bukid. Ang bukid mabuak sa tunga. Ang kalibutan mokurog. Ang kalangitan mokurog. Ang mga dautang katawhan pagalagiagon.
Ang mga katawhan sa Jerualem makakita kang Jesus. Sila mangutana, “Unsa kanang mga samad sa imong mga kamot ug tiil?” Siya moingon: “Ako mao si Jesus kinsa gilansang. Ako mao ang Anak sa Dios.” Unya ang mga katawhan mohilak. Sila mobati ug kaguol nga si Jesus gilansang sa krus.
Ang mga matarung nga katawhan magmalipayon nga makakita kang Jesus. Ang tibuok kalibutan mapanag-iya nila. Sila dili motugot nga si Satanas motintal kanila. Sila magmalig-on. Sila makabaton ug daghang mga kabataan. Ang ilang mga anak motubo ug motuman sa Dios. Si Jesus mopuyo uban sa mga matarung nga katawhan sulod sa 1,000 ka mga tuig. Siya ang ilang hari.
Si Jesus misugo kang Joseph Smith sa pagpadala ug mga misyonaryo aron sa pagtudlo sa matag usa mahitungod sa Iyang pag-anhi. Siya miingon nga kinahanglan ang mga Santos mangandam. Sila kinahanglan nga mag-ampo ug magpuasa. Sila kinahanglan motudlo sa usag usa mahitungod sa mga kasugoan.
Si Jesus miingon nga ang mga Santos kinahanglan maninguha sa pagpaduol kaniya. Unya siya magpaduol kanila. Kon ang mga Santos mangayo sa Dios ug panabang, siya motabang kanila.
Ang mga Santos kinahanglan mohimo sa tanan nga ilang ikatabang ni Jesus. Kon ang mga katawhan motabang kang Jesus, sila mahisama kaniya. Unya sila maandam alang sa iyanq ikaduhanq paq-anhi.