“Kapitulo 8: Pagpangandam alang sa Simbahan ni Jesukristo: Marso—Abril 1830,” Mga Istorya sa Pagtulun-an ug mga Pakigsaad (2002), 34–39
“Kapitulo 8,” Mga Istorya sa Pagtulun-an ug mga Pakigsaad, 34–39
Kapitulo 8
Pagpangandam alang sa Simbahan ni Jesukristo
(Marso—Abril 1830)
Si Jesus miingon nga ang Basahon ni Mormon nagtudlo sa iyang ebanghelyo. Siya miingon nga ang Basahon ni Mormon tinuod. Si Jesus buot nga ang mga katawhan motuo sa Basahon ni Mormon. Kini motabang kanila sa pagsunod sa Dios.
Si Jesus misaysay mahitungod sa iyang kinabuhi. Ang Dios nagpadala kang Jesus aron sa pagtabang sa mga katawhan sa yuta. Si Satanas misulay sa pagpahimo kaniya ug mga mangil-ad nga mga butang. Apan si Jesus wala maminaw ni Satanas.
Si Jesus naguol sa mga mangil-ad nga mga butang nga gihimo sa mga katawhan. Siya nagpaagas sa dugo ug nag-antus alang sa tanan nga mga katawhan. Ang mga katawhan dili mag-antus kon sila maghinulsol.
Mga dautan nga katawhan naglansang kang Jesus sa krus ug mipatay kaniya.
Ang mga higala ni Jesus milubong kaniya diha sa usa ka lubnganan.
Human sa tulo ka mga adlaw si Jesus nabanhaw. Siya nabuhi pag-usab.
Si Jesus mibuhat niining mga butanga aron sa pagtabang sa mga katawhan kinsa maghinulsol. Siya nagpakamatay aron sa pagtabang sa mga katawhan kinsa adunay hugot nga pagtuo ug nabunyagan. Sila dili pagasilotan. Sila makaadto sa langit. Ang mga katawhan kinsa dili maghinulsol pagasilotan.
Si Jesus misulti mahitungod sa pagbunyag. Ang mga katawhan nga buot magpabunyag kinahanglan maghinulsol. Sila kinahanglan maghigugma ug magsunod kang Jesukristo. Sila kinahanglan nga walo ka tuig ang edad o magulang pa. Unya sila mabunyagan ug mahimo nga mga sakop sa Simbahan.
Si Jesus mitudlo sa husto nga paagi sa pagbunyag. Siya miingon nga usa ka pari sa Aaronic nga Pagkapari o usa ka lalaki kinsa may Melchizedek nga Pagkapari mahimo nga mobunyag sa usa ka tawo. Ang lalaki kinsa may gahum sa pagkapari modala sa tawo ngadto sa tubig. Siya mosulti ug usa ka talagsaon nga pag-ampo.
Ang lalaki kinsa adunay gahum sa pagkapari mopaunlod sa tawo sa ilawom sa tubig. Unya iyang patungahon ang tawo sa tubig.
Si Jesus miingon nga ang mga katawhan misaad sa pagtuman kaniya sa panahon nga sila mabunyagan. Sila kinahanglan mosulti ug mohimo sa mga maayong butang.
Si Jesus misulti mahitungod sa pagpanalangin sa mga bata nga gagmay. Ang mga lalaki kinsa may Melchizedek nga Pagkapari mahimo nga mopanalangin sa batang gagmay. Ang mga lalaki mosapwang sa bata sa ilang mga bukton. Usa ka lalaki mohatag sa bata ug usa ka ngalan ug usa ka panalangin.
Si Jesus misulti mahitungod sa sakramento. Siya miingon nga ang mga katawhan kinahanglan moambit sa sakramento kanunay. Kon kita mohimo ug butang nga dautan, kita kinahanglan dili moambit sa sakramento. Kita kinahanglan maghinulsol. Unya kita mahimo nga modawat sa sakramento.
D&C 20:75; 46:4
Kita moambit sa sakramento aron sa paghinumdom ni Jesus. Ang pan motabang kanato sa paghunahuna sa lawas ni Jesukristo. Kita mahinumdom nga siya namatay alang kanato diha sa krus.
Ang tubig motabang kanato sa paghunahuna sa dugo ni Jesus. Kita mahinumdom nga siya mipaagas sa dugo ug nag-antus alang kanato didto sa Tanaman sa Getsemane.
Kita mohimo ug mga pakigsaad sa panahon nga kita moambit sa sakramento. Ang pakigsaad maoy usa ka saad. Kita mosaad nga kita maninguha nga mahisama kaniya. Kita mosaad nga kita maghinumdom kaniya sa kanunay. Kita mosaad sa pagsunod sa iyang mga kasugoan. Ang iyang Espiritu magauban kanato kon kita motuman sa atorig mga pakigsaad.