“Kapitulo 27: Ang Trabaho ni Propeta Joseph Smith: Marso 1832,” Mga Istorya sa Pagtulun-an ug mga Pakigsaad (2002), 104–7
“Kapitulo 27,” Mga Istorya sa Pagtulun-an ug mga Pakigsaad, 104–7
Kapitulo 27
Ang Trabaho ni Propeta Joseph Smith
(Marso 1832)
Si Joseph Smith ug ang iyang asawa nga si Emma adunay kaluha nga mga bata. Ang mga bata nangasakit ug nangamatay. Ang mga higala ni Joseph aduna usay mga kaluha nga mga bata apan ang inahan niining mga kaluha namatay. Si Joseph ug Emma misagop niining mga bataa ug miamuma kanila.
Si Jesus misulti kang Joseph sa pagbasa sa Bibliya. Ang mga tawo miusab sa pipila ka mga pulong diha sa Bibliya. Si Jesus misulti kang Joseph sa husto nga mga pulong nga ibutang sa Bibliya. Si Sidney Rigdon mitabang kang Joseph sa pagsulat sa mga pulong nga si Jesus buot ibutang sa Bibliya.
Si Joseph Smith wala makasabut sa ubang bahin sa Bibliya. Siya nangutana sa Dios. Ang Ginoong Jesukristo mitubag sa mga pangutana. Si Joseph misulat sa mga tubag alang sa pagbasa sa mga Santos.
Si Jesus malipayon sa trabaho ni Joseph. Si Joseph usa ka halangdon nga propeta. Apan si Satanas wala malipay. Si Satanas buot nga mopahunong sa trabaho ni Joseph. Si Satanas buot nga ang mga katawhan masuko kang Joseph.
Usa ka gabii, usa ka manggugubot nga panon sa mga masuk-anon nga katawhan miadto sa pinuy-anan ni Joseph. Ilang giguba ang pultahan. Sila misulod. Si Joseph nagkugos sa usa sa mga gagmay nga bata. Ang bata masakiton kaayo.
Ang mga dautan nga tawo mibunlot kang Joseph. Ang bata gibiyaan nga nag-inusara. Wala madugay ang bata namatay. Ang mga tawo miguroy kang Joseph gawas ngadto sa bugnaw nga kagabhion. Ang mga tawo mituok ni Joseph.
Pipila sa mga tawo buot nga mopasakit ni Joseph. Ang uban nga mga tawo buot nga mopatay kaniya. Sila misulay pagbu-bu ug hilo sa iyang tutunlan. Ilang gibuak ang usa sa iyang mga ngipon. Ang hilo misunog kaniya.
Ang mga tawo migisi sa saput ni Joseph ug gibulitan siya ug alkitran. Qitabunan siya ug mga balhibo. Ang mga balhibo mipilit sa alkitran.
Unya ang manggugubot nga panon mipalayo. Sila nagtuo nga si Joseph mamatay. Si Joseph misulay sa pagtindog. Siya dili makahimo. Siya mipahulay sa makadiyot. Unya siya mikamang paingon sa balay.
Ang mga higala ni Joseph milimpiyo sa iyang lawas sa alkitran. Malisud ang pagkuha sa alkitran. Ang iyang panit nasunog ug mingutngut. Kini sakit.
Si Joseph wala motugot nga ang manggugubot nga panon mopahunong sa iyang trabaho. Ang sunod nga adlaw Domingo. Si Joseph misimba. Ang pipila sa mga tawo nga diha sa manggugubot nga panon miadto sa simbahan. Sila nahibulong sa pagkakita ni Joseph. Si Joseph mihatag ug pakigpulong sa simbahan. Si Satanas wala makapahunong sa tabaho sa Propeta.