“Kapitulo 14: Ang Propeta ug mga Pagpadayag alang sa Simbahan: Septyembre 1830,” Mga Istorya sa Pagtulun-an ug mga Pakigsaad (2002), 56–57
“Kapitulo 14,” Mga Istorya sa Pagtulun-an ug mga Pakigsaad, 56–57
Kapitulo 14
Ang Propeta ug mga Pagpadayag alang sa Simbahan
(Septyembre 1830)
Si Joseph Smith ug Emma mibalhin ngadto sa New York. Usa ka tawo nga ginganlan ug Hiram Page nagpuyo didto. Siya sakop sa Simbahan. Siya adunay usa ka bato. Siya miingon nga ang bato mitabang kaniya nga makadawat ug mga pagpadayag alang sa Simbahan.
Daghang mga sakop sa Simbahan mituo kang Hiram Page. Si Oliver Cowdery mituo kaniya. Ang pipila sa mga katawhan nagtuo nga si Hiram usa ka propeta.
D&C 28: Pasiuna
Si Oliver nangutana kang Joseph mahitungod kang Hiram Page. Si Joseph miampo. Si Jesus mihatag kang Joseph ug pagpadayag alang kang Oliver Cowdery. Siya miingon nga usa ra gayud ka tawo ang makadawat ug mga pagpadayag alang sa Simbahan. Kanang tawhana mao ang Propeta Joseph Smith.
Si Jesus miingon nga ang mga katawhan makadawat ug mga pagpadayag alang sa ilang mga kaugalingon. Apan ang propeta ra gayud ang makadawat ug mga pagpadayag alang sa tibuok Simbahan. Si Oliver mituo kang Joseph. Siya nasayud nga ang mga pagpadayag ni Hiram Page mga sayop.
Unya si Jesus misugo kang Oliver sa pagpakigsulti nangadto kang Hiram Page. Si Oliver misulti kang Hiram nga ang iyang mga pagpadayag dili gikan sa Dios. Ang mga pagpadayag gikan kang Satanas.
Si Oliver miingon nga si Satanas mibitik kang Hiram Page. Si Hiram naminaw kang Oliver. Siya naghinusol.
Usa ra ka tawo ang makakuha ug mga pagpadayaag alang sa Simbahan. Kanang tawhana mao ang Presidente sa Simbahan. Siya mao ang pangulo sa Simbahan. Siya mao ang propeta sa Dios. Ang mga sakop sa Simbahan kinahanglan mosunod sa propeta.