“Kapitulo 30: Usa ka Pagpadayag kalabut sa Gubat: 25 Disyembre 1832,” Mga Istorya sa Pagtulun-an ug mga Pakigsaad (2002), 117–18
“Kapitulo 30,” Mga Istorya sa Pagtulun-an ug mga Pakigsaad, 117–18
Kapitulo 30
Usa ka Pagpadayag kalabut sa Gubat
(25 Disyembre 1832)
Daghang mga katawhan ang nabunyagan ngadto sa Simbahan ni Jesukristo. Ang ebanghelyo nakahimo kanila nga malipayon. Apan ang mga Santos nabalaka mahitungod sa mga butang nga nahitabo sa laing mga kayutaan.
Masulub-on nga mga butang ang nangahitabo sa daghang mga dapit sa kalibutan. Dihay mga linog. Mga katawhan nangasakit. Daghang mga katawhan ang himatyon.
Masulub-on nga mga butang ang nangahitabo sa Estados Unidos. Pipila ka mga katawhan dili buot nga mahimong kabahin sa Estados Unidos. Sila buot nga makabaton ug ilang kaugalingon nga mga pangulo.
Sa adlaw sa Pasko, 1832, si Jesus mihatag kang Joseph Smith ug usa ka pagpadayag. Ang pagpadayag mahitungod sa gubat.
Si Jesus miingon nga adunay usa ka gubat sa Estados Unidos. Ang mga katawhan sa Estado Unidos makig-away sa usag usa.
Wala madugay dihay mga gubat sa ubang mga kayutaan. Dihay panag-away sa tibuok kalibutan. Si Jesus miingon nga ang mga Santos kinahanglan magmatarung. Sila kinahanglan andam kaniya sa pagbalik sa yuta pag-usab.
Si Joseph nagmasulub-on sa pagkasayud nga adunay mga gubat. Siya nasayud nga ang mga katawhan kinahanglan mosunod sa mga kasugoan sa Dios. Unya sila dili kinahanglan makig-away ug makiggubat.