“Kapitulo 60: Ang Unang mga Pumupuyo Nagpadayon sa Pagbiyahe: Marso 1846–Hunyo 1846,” Mga Istorya sa Pagtulun-an ug mga Pakigsaad (2002), 215–17
“Kapitulo 60,” Mga Istorya sa Pagtulun-an ug mga Pakigsaad 215–17
Kapitulo 60
Ang Unang mga Pumupuyo Nagpadayon sa Pagbiyahe
(Marso 1846–Hunyo 1846)
Sayo sa tingpamulak ang mga Santos nagsugod sa pagbiyahe pag-usab. Hilabihan pa kini katugnaw. May pipila ka mga tawo ang nangasakit ug nangamatay.
Hilabihan kadautan ang mga agianan. Hinay kaayo ang pagbiyahe sa mga katawhan. Ang yuta patag ug dunay ginagmay nga mga bungtod. Ang yuta natabunan sa mga tag-as nga sagbut. Kining matang sa yuta gitawag ug usa ka patag. Mga Indian ang nagpuyo sa kapatagan. Walay mga siyudad o mga umahan.
Si Brigham Young nagpadala ug mga tawo aron sa pagpangita ug maayo nga mga dapit aron kahimoan ug kampo alang sa katawhan. Sila namutol ug mga kahoy ug gihimo ug mga kabalayan. Sila naghimo ug taytayan sa mga sapa. Ilang gihimo kini aron masayon ang pagbiyahe sa mga katawhan. Ang mga Santos nga nagbiyahe paingon sa Kasadpan gitawag ug mga unang pumupuyo.
Ang unang pumupuyo miabut sa usa ka lapad nga suba. Ang dapit diin sila mohunong gitawag ug Council Bluffs. Ang uban nga mga Santos miabut aron sa pakig-uban kanila. Sila nagtukod ug mga kampo dihang dapita. Ang unang pumupuyo nagpuyo didto hangtud sa ting-init.