“Kapitulo 28: Ang Propeta Joseph Miadto sa Missouri Pag-usab: Marso–Mayo 1832,” Mga Istorya sa Pagtulun-an ug mga Pakigsaad (2002), 108–12
“Kapitulo 28,” Mga Istorya sa Pagtulun-an ug mga Pakigsaad, 108–12
Kapitulo 28
Ang Propeta Joseph Miadto sa Missouri Pag-usab
(Marso–Mayo 1832)
Si Jesus buot nga ang mga Santos magbinahinay sa usag usa. Siya buot nga sila moalima sa mga kabus nga katawhan. Si Jesus buot nga ang mga Santos magtinabangay sa usag usa.
Wala madugay human sa pagpadayag si Joseph miadto sa Missouri pag-usab. Ang Missouri maoy gitawag nga yuta sa Zion. Pipila sa mga higala ni Joseph mikuyog kaniya. Ang mga Santos sa Zion malipayon nga nakakita ni Joseph.
Si Joseph mihangyo sa mga Santos sa pagtambong sa usa ka panagtigum. Siya misulti kanila mahitungod sa pagpadayag. Ang mga Santos nasayud nga si Joseph usa ka Propeta sa Dios.
Sa panagtigum ang Ginoo mihatag kang Joseph ug Iaing pagpadayag alang sa mga Santos. Si Jesus malipayon nga ang mga Santos nagpinasayloay sa usag usa. Si Jesus miingon, “Ako, ang Ginoo, mipasaylo kaninyo.”
Si Jesus mihatag sa mga Santos ug usa ka bag-ong kasugoan. Siya miingon nga siya mihatag kanila sa yuta sa Zion. Karon sila kinahanglan magbinahinay sa yuta sa usag usa. Matag usa kinahanglan makaangkon sa unsay iyang gikinahanglan. Kini makatabang sa Simbahan ni Jesukristo.
Human sa panagtigum, si Joseph mibisita sa mga Santos sa daghang mga lungsod. Ang mga Santos nalipay sa pagkakita kaniya. Kini malipayon nga takna alang kang Joseph. Siya nahigugma sa mga Santos.
Si Jesus mihatag kang Joseph ug usa ka pagpadayag mahitungod sa mga kababayen-an ug mga kabataan. Si Jesus miingon nga kinahanglan ang mga bana moatiman sa ilang mga asawa. Ang mga ginikanan kinahanglan moatiman sa ilang mga anak.
Ang mga Santos kinahanglan moatiman sa mga kababayen-an kinsa walay mga bana. Ang mga Santos kinahanglan moatiman sa mga bata kinsa walay mga amahan ug inahan.
Si Jesus miingon nga ang nga Santos kinahanglan nga mobutang ug mga pagkaon sa balay tipiganan. Ang bishop kinahanglan mohatag sa mga gutom nga katawhan ug pagkaon gikan sa balay tipiganan.
Si Joseph Smith ug Bishop Whitney misugod sa pagbalik ngadto sa Kirtland. Sila misakay sa usa ka karomata.
Usa ka adlaw niana, adunay nahadlokan ang mga kabayo. Sila midagan ug kusog.
Si Joseph milukso gikan sa karomata. Siya wala masakiti. Si Bishop Whitney milukso gikan sa karomata. Nabali ang iyang bitiis.
Si Joseph Smith ug Bishop Whitney mipuyo sa usa ka balay sak-anan. Si Bishop Whitney mipahulay sa sulod sa upat ka mga semana. Si Joseph mipuyo uban kaniya samtang ang iyang bitiis nag-anam ug kaayo.
May usa ka tawo mibutang ug hilo sa pagkaon ni Joseph. Siya nasakit ug maayo.
Si Joseph mihangyo kang Bishop Whitney sa paghatag kaniya ug panalangin. Si Bishop Whitney migamit sa gahum sa pagkapari aron sa pagpanalangin ni Joseph. Si Joseph naayo.
Si Joseph nagpasalamat sa Dios sa pag-ayo kaniya. Sa wala madugay, si Joseph Smith ug Bishop Whitney makabiyahe na. Sila mipauli sa ilang mga banay.