“Kapitulo 16: Joseph Smith ug Sidney Rigdon Nakat-on Kalabut sa Zion: 1830,” Mga Istorya sa Pagtulun-an ug mga Pakigsaad (2002), 61–63
“Kapitulo 16,” Mga Istorya sa Pagtulun-an ug mga Pakigsaad, 61–63
Kapitulo 16
Joseph Smith ug Sidney Rigdon Nakat-on Kalabut sa Zion
(1830)
Ang mga misyonaryo mihatag ni Sidney ug Basahon ni Mormon. Sila mitudlo kaniya sa ebanghelyo. Si Sidney Rigdon mibasa sa Basahon ni Mormon. Siya miampo mahitungod niini. Ang Langitnong Amahan miingon kaniya nga ang ebanghelyo tinuod. Si Sidney Rigdon nabunyagan.
Si Sidney Rigdon misulti sa mga sakop sa iyang simbahan sa pagpaminaw sa mga misyonaryo. Daghan kanila ang nabunyagan. Sa wala madugay 1,000 ka mga katawhan nabunyagan sa Kirtland.
Si Sidney Rigdon buot makigkita ni Joseph Smith. Siya miadto sa New York aron pagduaw sa propeta. Si Jesus mihatag kang Joseph Smith ug usa ka pagpadayag alang kang Sidney Rigdon. Si Jesus miingon nga si Sidney Rigdon mohimo ug mga mahinungdanon nga butang. Siya motudlo sa ebanghelyo ngadto sa daghan nga mga katawhan. Siya mobunyag kanila ug mohatag kanila sa gasa sa Espiritu Santo.
Si Jesus miingon kang Joseph ug Sidney nga ang ubang bahin sa Bibliya giusab sa daghang mga tuig nga nanglabay. Uban sa mga mahinungdanon nga istorya wala diha sa Bibliya. Si Jesus misulti kang Joseph Smith sa mga istorya nga wala diha sa Bibliya. Si Sidney Rigdon kinahanglan mosulat niini.
Usa sa mga istorya nagsaysay mahitungod kang Enoch. Si Enoch usa ka bantugang propeta. Siya nagtudlo sa iyang mga tawo nga magmatarung pag-ayo. Ang Ginoo mitawag sa matarung nga tawo ni Enoch ug Zion. Ang mga tawo ni Enoch nagtukod ug usa ka siyudad. Ilang ginganlan ang siyudad ug Zion. Sa Zion, ang mga katawhan naghinigugmaay sa usag usa. Sila nag-atiman sa usag usa. Walay usa nga kabus o magul-anon.
Matag usa sa Zion misunod sa mga kasugoan sa Langitnong Amahan. Ang mga katawhan hilabihan ka matarung nga si Jesus mianha ug mipuyo uban kanila. Unya ang Dios midala sa mga katawhan sa Zion ngadto sa langit aron mopuyo uban kaniya.
Si Jesus misugo kang Joseph Smith sa pagtudlo sa iyang mga katawhan sa pagmatarung. Sila kinahanglan mosulay sa pagtukod ug lain nga siyudad nga ginganlan ug Zion. Ang siyudad mahimong matahum. Matag usa mahigugma sa Langitnong Amahan. Matag usa mahigugma sa usag usa. Matag usa diha sa Zion magmalipayon kaayo. Si Jesus moanha ug mopuyo uban kanila.