“Kapitulo 36: Kampo sa Zion: Pebrero–Hunyo 1834,” Mga Istorya sa Pagtulun-an ug mga Pakigsaad (2002), 135–39
“Kapitulo 36,” Mga Istorya sa Pagtulun-an ug mga Pakigsaad, 135–39
Kapitulo 36
Kampo sa Zion
(Pebrero–Hunyo 1834)
Samtang si Joseph Smith didto sa Kirtland, Ohio, siya nakadungog nga ang mga Santos adunay kagubot sa Missouri. Ang manggugubot nga panon nakapabiya kanila sa ilang mga pinuy-anan. Ang mga Santos nag-ampo sa Langitnong Amahan alang sa panabang.
Si Jesus mihatag kang Joseph Smith ug usa ka pagpadayag. Siya miingon nga uban sa mga kalalakin-an sa Simbahan kinahanglan moadto sa Missouri aron sa pagtabang sa mga Santos. Si Joseph Smith mao ang mahimo nila nga pangulo. Sila kinahanglan nga magdala ug kuwarta aron sa pagpalit ug yuta. Ang Ginoo buot nga 500 ka mga lalaki ang moadto.
Si Joseph misunod sa Ginoo. Siya misulti sa mga Santos nga 500 ka mga lalaki kinahanglan moadto sa yuta sa Zion sa Missouri. Siya mihangyo sa mga kalalakin-an sa pag-adto sa Kirtland. 100 lamang ka mga lalaki ang miadto. Ang ubang lalaki sa Simbahan wala mosunod sa Ginoo.
Ang 100 ka mga lalaki gitawag ug Kampo sa Zion. Sila misugod padulong sa yuta sa Zion. Ang uban sa mga lalaki naglakaw. Ang uban sa mga lalaki nagsakay sa mga karomata. Sila nag-uban sa pagkampo sa gabii. Sa ilang pagiakaw 100 pa ka mga lalaki mikuyog kanila.
Ang mga lalaki mibiyahe ug 1,000 ka milya. Ang biyahe taas ug lisud. Ang mga lalaki walay igo nga maayong pagkaon.
Ang uban sa mga lalaki miingon nga ang biyahe lisud kaayo. Sila wala makagusto sa pagkaon. Sila miingon nga si Joseph Smith dili maayo nga pangulo. Si Joseph nagsulti niining mga lalaki sa paghinulsol. Kon sila dili maghinulsol, sila magkasakit ug mamatay.
Ang uban sa mga lalaki mga matarung. Sila mitabang kang Joseph Smith. Sila misunod sa mga kasugoan sa Dios. Sila mipakita unsa ang ilang paghigugma sa Simbahan ni Jesukristo. Si Joseph Smith kanunay nga mahinumdom giunsa nila pagtabang siya.
Sa katapusan, ang mga lalaki sa kampo sa Zion miabut sa Missouri. Sila nagkampo sa may sapa.
Ang manggugubot nga panon nasayud nga ang mga lalaki anaa diha. Sa gabii ang manggugubot nga panon mipaduol sa kampo. Sila buot nga mopatay sa mga lalaki sa kampo sa Zion.
Ang Dios nagpadala ug usa ka mapintas nga unos. Ang hangin mitumba sa mga kahoy. Dagko nga mga yelong bato nangahulog gikan sa langit. Kilat miigo sa mga kahoy. Ang tubig sa sapa milunop sa yuta. Usa sa mga lalaki sa manggugubot nga panon namatay sa kilat. Ang uban nga mga lalaki sa manggugubot nga panon nangaangol.
Ang mga tawo sa manggugubot nga panon nangahadlok. Sila nasayud nga ang Dios nagtabang sa mga lalaki sa Kampo sa Zion. Ang manggugubot nga panon nanagan sa pagpahilayo. Sila wala mopasakit sa mga lalaki sa Kampo sa Zion. Ang unos wala mopasakit sa mga lalaki sa Kampo sa Zion.
Human sa duha ka adlaw ang Ginoo mihatag kang Joseph Smith ug usa ka pagpadayag. Ang Ginoo miingon nga ang mga lalaki sa Kampo sa Zion makapuyo sa Missouri o makabalik sa Kirtland.
Si Jesus miingon nga pipila sa mga kalalakin-an wala mosunod kaniya. Siya wala malipay kanila. Apan ang uban sa mga kalalakin-an misunod. Ang Ginoo nalipay kanila. Siya miingon nga siya mopanalangin kanila ug daghan nga gahum.
Human sa pipila ka mga adlaw daghang mga kalalakin-an sa Kampo sa Zion nanagdaut. Napulog upat kanila namatay. Si Joseph misulti kanila nga sila mamatay kon sila dili maghinulsol.
Si Joseph Smith nakigtagbo sa mga Santos sa Missouri. Siya mipili ug mga kalalakin-an alang sa usa ka hataas nga konseho. Unya si Joseph ug ang iyang mga higala mibalik ngadto sa Kirtland.
Ang mga kalalakin-an sa Kampo sa Zion wala motabang sa mga Santos sa Missouri. Ang mga kalalakin-an dili makatabang tungod kay sila wala makasunod sa Dios. Ang Dios miingon nga ang Zion mahimo nga matukod pinaagi sa mga matarung nga katawhan.
D&C 105:2–10