“Kapitulo 9: Ang Tinuod nga Simbahan ni Jesukristo: 6 Abril 1830,” Mga Istorya sa Pagtulun-an ug mga Pakigsaad (2002), 40–42
“Kapitulo 9,” Mga Istorya sa Pagtulun-an ug mga Pakigsaad, 40–42
Kapitulo 9
Ang Tinuod nga Simbahan ni Jesukristo
(6 Abril 1830)
Si Joseph Smith mituman. Sa 6 sa Abril 1830, siya nagtawag ug panagtigum. Lima ka mga lalaki miapil sa panagtigum aron pagtabang kang Joseph sa pagsugod sa Simbahan. Ang mga tawo mao si Oliver Cowdery, Hyrum Smith, Samuel Smith, David Whitmer and Peter Whitmer. Silang tanan nabunyagan. Uban sa mga katawhan miduol aron sa pagtan-aw sa panagtigum.
Ang mga lalaki nag-ampo ngadto sa Langitnong Amahan. Si Joseph nag-orden kang Oliver nga elder sa Simbahan. Unya si Oliver nag-orden kang Joseph.
Si Joseph ug Oliver mipanalangin sa sakramento. Sila mihatag niini ngadto sa mga lalaki.
Si Joseph ug Oliver mipandong sa ilang mga kamot sa ulo sa matag lalaki. Sila mikumpirma sa mga lalaki nga sakop sa Simbahan ni Jesukristo. Sila mihatag sa mga lalaki sa gasa sa Espiritu Santo. Sila mipasalamat sa Dios.
Ang ubang mga katawhan diha usab sa panagtigum. Si Joseph ug Oliver mi-orden sa uban nga mga kalalakin-an. Sila mihatag kanila sa gahum sa pagkapari. Ang mga lalaki kinsa naordinahan hilabihan sa kalipay. Sila miingon nga sila nahigugma sa Dios. Sila misulti giunsa sa Dios sila pagpanalangin.
Si Jesus mihatag ug usa ka pagpadayag kang Joseph Smith diha sa panagtigum. Si Jesus miingon nga si Joseph usa ka propeta. Kon ang usa ka propeta mamulong, siya mamulong alang kang Jesus. Ang mga sakop sa Simbahan kinahanglan nga maminaw ngadto sa propeta. Sila kinahanglan nga mosunod kaniya.
Human sa panagtigum daghang mga katawhan ang nabunyagan. Ang inahan ug amahan ni Joseph Smith gibunyagan. Ang 6 sa Abril 1830 maoy usa ka matahum nga adlaw. Ang matuod nga Simbahan ni Jesukristo mibalik pag-usab sa yuta.