“Kapitulo 29: Usa Ka Pagpadayag kalabut sa Pagkapari: Septyembre 1832,” Mga Istorya sa Pagtulun-an ug mga Pakigsaad (2002), 113–16
“Kapitulo 29,” Mga Istorya sa Pagtulun-an ug mga Pakigsaad, 113–16
Kapitulo 29
Usa Ka Pagpadayag kalabut sa Pagkapari
(Septyembre 1832)
Daghang mga lalaki sa Simbahan nagmisyon. Sa panahon sa ilang pagpauli sila nangadto aron sa pagpakigkita ni Joseph sa Kirtland.
Ang mga lalaki misaysay kang Joseph mahitungod sa ilang mga misyon. Sila nakabunyag ug daghang mga katawhan. Sila malipayon mahitungod sa ilang mga misyon. Si Propeta Joseph malipayon usab.
Ang tanan niining mga misyonaryo adunay gahum sa pagkapari. Ang gahum sa pagkapari mao ang gahum sa Dios. Ang mga misyonaryo buot pang masayud mahitungod sa gahum sa pagkapari.
Si Jesus mihatag ug pagpadayag alang kanila. Si Jesus miingon kang Joseph mahitungod sa pipila ka mga lalaki kinsa adunay Melchizedek nga Pagkapari. Si Adan adunay gahum sa pagkapari. Siya mao ang unang tawo nga mipuyo sa yuta.
Ang tanan nga propeta sa Daang Tugon adunay gahum sa pagkapari. Pipila sa mga propeta mao si Enoch, Noah, Moses, Melchizedek, ug Abraham. Si Melchizedek mihatag ug gahum sa pagkapari ngadto ni Abraham.
Si Jesus miingon nga ang mga lalaki nga may gahum sa pagkapari mangulo sa iyang simbahan. Sila makabunyag ug makahatag sa gasa sa Espiritu Santo. Sila makapanalangin sa sakramento. Sila makahatag ug panalangin sa mga masakiton nga katawhan. Ang tanan niining mga butanga makatabang sa mga Santos sa pag-andam aron sa pakigkita sa Dios.
Si Jesus misulti kang Joseph nga ang mga lalaki kinahanglan magmatarung. Sila makaangkon sa gahum sa pagkapari. Ang Dios mohimo ug pakigsaad kanila. Ang pakigsaad maoy usa ka saad. Ang Dios misaad sa pagpanalangin sa mga lalaki kinsa adunay gahum sa pagkapari. Ang mga lalaki misaad sa paggamit sa gahum sa pagkapari aron sa pagtabang sa ubang mga katawhan. Ang mga lalaki kinsa adunay gahum sa pagkapari mahimo nga usa ka talagsaong anak nga lalaki sa Dios. Usa ka adlaw ang Langitnong Amahan mobahin sa tanan nga anaa kaniya ngadto kanila.
Si Jesus misulti kang Joseph unsaon sa mga lalaki sa Simbahan paggamit sa ilang gahum sa pagkapari. Ang gahum sa pagkapari magamit lamang sa mga matarung nga lalaki. Ang mga lalaki kinahanglan dili gayud mogamit sa gahum sa pagkapari sa paghinawod o minaldito. Ang Dios dili mohatag sa gahum sa pagkapari ngadto sa mga dautan nga lalaki.
Ang mga lalaki kinahanglan mogamit sa gahum sa pagkapari nga inubanan sa gugma ug kalooy. Sila kinahanglan maminaw sa Espiritu Santo. Unya sila sa kanunay adunay gahum sa pagkapari. Ang Espiritu Santo mouban kanila sa kahangturan.
Si Jesus misulti kang Joseph Smith nga daghan pang mga lalaki ang kinahanglan magmisyon. Sila kinahanglan mosangyaw sa ebanghelyo ngadto sa tibuok kalibutan. Sila kinahanglan motudlo nga ang Dios mohukom sa tanang katawhan. Sila kinahanglan motudlo sa mga katawhan sa paghinulsol. Sila kinahanglan mobunyag sa mga katawhan ug mohatag kanila sa Espiritu Santo.
Si Jesus miingon nga ang mga misyonaryo mapanalanginan kon sila motrabaho pag-ayo. Mga anghel motabang kanila. Ang Langitnong Amahan mohatag kanila sa mga butang nga ilang gikinahanglan.
Ang pagpadayag natapos. Si Joseph ug ang mga misyonaryo malipayon nga nasayud ug daghan pa mahitungod pagkapari. Sila buot mogamit sa ilang gahum sa pagkapari sa tarung nga paagi. Sila buot motudlo sa uban mahitungod sa Simbahan.