“Kapitulo 57: Usa ka Bag-ong Pangulo alang sa Simbahan: Hulyo–Agosto 1844,” Mga Istorya sa Pagtulun-an ug mga Pakigsaad (2002), 206–8
“Kapitulo 57,” Mga Istorya sa Pagtulun-an ug mga Pakigsaad, 206–8
Kapitulo 57
Usa ka Bag-ong Pangulo alang sa Simbahan
(Hulyo–Agosto 1844)
Kadaghanan sa mga Apostoles atua sa layo nagmisyon.
Si Sidney Rigdon maoy magtatambag ni Joseph Smith. Apan wala siya magsunod sa Ginoo. Siya nagpalayo gikan sa Nauvoo.
Si Sidney Rigdon nakadungog nga patay na ang propeta. Siya mibalik sa Nauvoo. Siya buot nga mahimo nga pangulo sa Simbahan.
Si Brigham Young ug ang uban nga mga Apostoles namalik gikan sa ilang mga misyon. Si Brigham Young mao ang pangulo sa mga Apostoles. Siya miingon nga ang mga Apostoles mao ang mangulo sa Simbahan hangtud nga ang bag-o nga presidente mapili.
Ang mga sakop sa Simbahan mihimo ug usa ka panagtigum. Si Sidney Rigdon namulong ngadto kanila. Siya miingon nga siya gayud maoy mahimong pangulo sa Simbahan.
Unya si Brigham Young namulong. Siya miingon nga ang mga Apostoles gayud maoy mangulo sa Simbahan. Ang Espiritu Santo diha nag-uban kaniya. Ang tingog ni Brigham Young sama gayud sa tingog ni Joseph Smith. Sulod sa pipila ka mga gutlo, ang iyang panagway nahisama sa kang Joseph Smith. Ang katawhan nasayud nga ang Dios nagpili sa mga Apostoles aron mangulo sa Simbahan. Si Sidney Rigdon nasuko. Mipauli siya sa iyang pinuy-anan. Siya nagtukod ug iyang kaugalingon nga simbahan. Dili na siya sakop sa Simbahan ni Jesukristo sa mga Santos sa UIahing Adlaw.