“Kapitulo 20: Ang mga Gasa sa Espiritu Santo: 8 Marso 1831,” Mga Istorya sa Pagtulun-an ug mga Pakigsaad (2002), 77–80
“Kapitulo 20,” Mga Istorya sa Pagtulun-an ug mga Pakigsaad, 77–80
Kapitulo 20
Ang mga Gasa sa Espiritu Santo
(8 Marso 1831)
Ang uban sa mga Santos wala makasabut mahitungod sa Espiritu Santo. Si Jesus miingon kang Joseph Smith mahitungod sa Espiritu Santo. Ang Espiritu Santo motabang sa Langitnong Amahan ug kang Jesus. Ang Espiritu Santo walay lawas nga unod ug bukog. Siya usa ka espiritu.
Si Jesus miingon nga ang Espiritu Santo motabang sa mga matarung nga katawhan. Siya motabang sa Dios paghatag ug mga talagsaong gasa. Matag Santos adunay talagsaong gasa. Ang mga Santos kinahanglan mogamit sa ilang mga gasa aron sa pagtabang sa usag usa. Si Jesus misulti kang Joseph Smith unsa ang mga gasa.
Ang Espiritu Santo mihatag sa ubang mga Santos ug gasa sa pagpamatuod. Sila nasayud nga si Jesukristo mao ang Anak sa Dios. Sila nasayud nga si Jesukristo nagpakamatay alang kanato. Ang uban nga mga Santos gihatagan ug gasa sa pagtuo sa mga pagpamatuod mahitungod ni Jesus.
Ang uban nga mga Santos gihatagan sa gasa nga mahimong mga pangulo.
Ang uban nga mga Santos gihatagan sa gasa sa pagkasayud hain nga mga espiritu ang matarung ug hain nga mga espiritu ang dautan. Ang mga matarung nga espiritu pinadala sa Dios. Sila makahimo kanato ug pagbati nga malipay. Sila sama sa kahayag. Ang mga dautan nga espiritu pinadala ni Satanas. Sila makahimo kanato sa pagbati ug dautan. Sila sama sa kangitngit.
Ang Espiritu Santo mohatag sa gasa nga mahinong maalamon Sila makahimo ug maayo nga mga pagpili. Ang uban nga mga Santos gihatagan sa gasa sa pagkat-on sa mga butang. Sila makapanudlo unsa ang ilang nahibaloan ngadto sa ubang mga Santos. Sila makapanudlo sa ubang mga Santos sa paghimo ug maayo nga mga pagpili.
Ang uban nga mga Santos gihatagan sa gasa sa hugot nga pagtuo nga mamaayo. Ang uban nga mga Santos gihatagan sa gasa sa pag-ayo sa mga masakiton nga katawhan. Ang Espiritu Santo mohatag sa uban nga mga Santos sa gasa nga mohimo ug milagro. Ang mga milagro mopakita sa gahum sa Dios.
Ang uban nga mga Santos gihatagan sa gasa sa pagsulti sa sinultihan nga sila wala masayud.
Ang Espiritu Santo mohatag sa ubang mga Santos sa gasa nga masayud unsa ang mahitabo sa dili pa kini mahitabo.
Ang uban nga mga Santos gihatagan ug daghan nga mga gasa.
Ang bishop nasayud unsa nga gasa aduna ang matag Santos. Siya nasayud kinsa ang mahimo nga maayo nga magtutudlo. Siya nasayud kinsa ang makahimo ug mga milagro. Siya nasayud kinsa nga Santos ang nahigugma sa Dios ug nagtuman sa mga kasugoan sa Dios.
Ang mga matarung nga Santos mahimo nga makaangkon ug daghan nga mga gasa. Sila kinahanglan nga maninguha sa pagkuha sa mga gasa nga ilang gikinahanglan. Kining tanan nga mga gasa gikan sa Dios.