“Kapitulo 15: Usa ka Misyon ngadto sa mga Lamanite: Septyembre 1830,” Mga Istorya sa Pagtulun-an ug mga Pakigsaad (2002), 58–60
“Kapitulo 15,” Mga Istorya sa Pagtulun-an ug mga Pakigsaad, 58–60
Kapitulo 15
Usa ka Misyon ngadto sa mga Lamanite
(Septyembre 1830)
Si Jesus buot nga daghang mga katawhan ang makadungog mahitungod sa ebanghelyo. Siya buot nga ang uban sa mga Santos magmisyon. Siya miingon kang Oliver Cowdery sa pagmisyon ngadto sa mga Indian.
Ang mga Indian gitawag ug mga Lamanite diha sa Basahon ni Mormon. Si Jesus buot nga ang mga Lamanite mobasa sa Basahon ni Mormon. Siya misaad sa daghan nga mga propeta nga ang mga Lamanite makadawat sa Basahon ni Mormon. Karon kini mao ang panahon sa pagtuman niana nga saad.
Ang Basahon ni Mormon mosaysay sa mga Lamanite mahitungod sa ilang mga katigulangan kinsa nagpuyo 2,000 ka mga tuig nga milabay. Kini mosaysay sa mga Lamanite sa mga saad ni Jesus nga gihimo ngadto kanila. Kini motabang kanila sa pagtuo diha ni Jesus ug sa ebanghelyo. Kini motudlo kanila sa paghinulsol ug sa pagpabunyag.
Ang ubang mga lalaki buot mokuyog kang Oliver Cowdery. Sila buot mosangyaw sa ebanghelyo ngadto sa mga Lamanite. Sila buot mohatag sa mga Lamanite sa Basahon ni Mormon. Ang Ginoo miingon nga tulo sa mga lalaki makakuyog.
Una nga giadto sa mga misyonaryo mao ang pipila ka mga Indian didto sa New York. Sila nakakaplag ug diyutay lamang nga mga Indian kinsa makahibalo nga mobasa. Ang mga misyonaryo mihatag kanila sa Basahon ni Mormon.
Unya ang mga misyonaryo nanlakaw aron sa pagsangyaw ngadto sa pipila ka mga Indian sa Ohio. Ang mga Indian nalipay sa pagpamati mahitungod sa Basahon ni Mormon. Sila malipayon sa pagkasayud mahitungod sa ilang mga katigulangan.
Ang mga misyonaryo mibiya sa Ohio. Sila miadto sa usa ka siyudad nga ginganlan ug Independence, sa Jackson County, Missouri. Dihay daghan nga mga Indian sa Missouri.
Ang mga misyonaryo misangyaw sa ebanghelyo ngadto kanila. Sila mihatag sa mga Indian ug Basahon ni Mormon. Kini nakahimo sa mga Indian nga malipayon kaayo. Sila nagpasalamat sa mga misyonaryo sa Basahon ni Mormon.
Ang ubang katawhan sa Missouri wala motuo sa ebanghelyo. Sila wala motuo sa Basahon ni Mormon. Sila misulti sa mga misyonaryo sa pagpalayo sa mga Indian.
Ang mga katawhan miingon nga ang mga sundalo mogukod sa mga misyonaryo kon dili sila mobiya. Ang mga misyonaryo nahimo nga magul-anon niining mga balitaa. Sila nanlakaw aron sa pagtudlo sa ebanghelyo ngadto sa uban nga mga katawhan sa Missouri.
Usa sa mga misyonaryo ginganlan ug Parley P. Pratt. Siya miadto aron sa pagsulti ni Joseph unsa ang ilang nabuhat. Si Parley miingon nga sila adunay usa ka maayo nga misyon. Sila nakatudlo sa ebanghelyo ngadto sa daghang mga katawhan.