“Kapitulo 13: Joseph ug Emma: Hulyo 1830,” Mga Istorya sa Pagtulun-an ug mga Pakigsaad (2002), 51–55
“Kapitulo 13,” Mga Istorya sa Pagtulun-an ug mga Pakigsaad, 51–55
Kapitulo 13
Joseph ug Emma
(Hulyo 1830)
Si Joseph ug Emma nagpuyo sa Pennsylvania. Sila adunay gamay nga umahan. Si Joseph ug Emma nahigugma sa usag usa. Sila mitrabaho ug maayo aron sa pagtabang sa usag usa.
Si Joseph ug Emma adunay daghan nga mga kalisud. Sila kabus. Sila buot nga manganak. Si Emma nanganak ug bata nga lalaki, apan siya namatay. Si Emma naguol. Sa wala madugay siya ug si Joseph nanganak ug daghan pa.
Si Joseph nabalaka mahitungod sa iyang banay. Siya buot nga moatiman kanila. Siya kinahanglan nga mananom ug mga lagutmon aron ang iyang banay adunay pagkaon.
Si Joseph nabalaka usab mahitungod sa Simbahan. Mga dautan nga katawhan naghimo ug kasamok sa mga Santos. Uban sa mga pangulo sa Simbahan mitago gikan sa mga dautang katawhan. Si Joseph gikinahanglan nga motrabaho pag-ayo aron sa pagtabang sa mga Santos.
Usahay si Joseph gikinahanglan nga mobiya sa pinuy-anan aron sa pagtabang sa mga Santos. Si Joseph naguol nga mobiya sa iyang banay. Si Emma naguol sa panahon nga si Joseph mobiya. Siya nabalaka mahitungod kaniya.
Si Joseph nangutana kang Jesus unsay angay niyang buhaton. Si Jesus misulti sa propeta Joseph nga dili mabalaka mahitungod sa iyang mga kasamok. Si Jesus misulti kaniya sa dili pagpakahadlok sa mga dautan nga katawhan. Si Jesus miingon nga siya sa kanunay motabang kang Joseph.
Si Jesus miingon kang Joseph nga kinahanglan magtanom ug mga lagutmon alang sa iyang banay. Unya siya kinahanglan moadto ug motabang sa mga Santos. Si Jesus misulti kang Joseph nga dili mabalaka mahitungod sa pagkaon, mga saput, o salapi. Ang mga Santos mohatag kang Joseph unsa ang iyang gikinahanglan.
Si Jesus mihatag kang Joseph Smith ug usa ka pagpadayag alang kang Emma. Si Jesus miingon nga si Emma Smith usa ka talagsaon nga babaye. Siya mipili kaniya nga mohimo ug usa ka mahinungdanon nga buhat.
Si Jesus miingon nga si Emma kinahanglan malooy kang Joseph sa panahon nga siya adunay mga kasamok. Siya kinahanglan motabang kaniya nga malipay ug dili maguol.
Si Jesus miingon nga si Emma Smith kinahanglan motudlo sa mga Santos. Siya kinahanglan motabang kanila sa pagkat-on sa mga kasulatan. Siya miingon nga ang Espiritu Santo motabang kaniya aron masayud unsa ang itudlo.
Si Jesus miingon nga si Emma kinahanglan mogamit sa iyang panahon aron sa pagtuon. Siya kinahanglan makakat-on ug mosulat sa daghang mga butang.
Si Jesus misugo kang Emma sa pagpili ug mga awit alang sa mga Santos aron awiton. Ang mga awit i-imprinta diha sa usa ka basahon sa mga awit.
Ang Dios mahigugna nga maminaw sa awit sa mga matarung nga mga katawhan. Ang ilang mga awit mga pag-ampo ngadto kaniya. Ang mga matarung nga tawo kinsa mag-awit ngadto sa Dios mapanalanginan.
Si Jesus miingon kang Emma sa pagpaubos. Siya miingon kaniya sa paghigugma sa iyang bana. Siya miingon kaniya sa paglipay tungod kay si Joseph makaangkon ug daghan nga dagkong mga panalangin.
Si Jesus miingon kang Emma nga dili mabalaka mahitungod niining kalibutan. Siya kinahanglan mangandam alang sa usa ka labaw nga maayong kalibutan sa langit. Siya kinahanglan magmalipayon ug mosunod sa mga kasugoan sa Dios. Unya siya mahimo nga makaadto sa langit.
Si Jesus miingon nga ang mga butang nga iyang giingon ni Emma Smith alang sa tanang mga kababayen-an.