“Kapitulo 6: Joseph ug Oliver Gihatagan sa Gahum sa Pagkapari: Mayo 1829,” Mga Istorya sa Pagtulun-an ug mga Pakigsaad (2002), 26–30
“Kapitulo 6,” Mga Istorya sa Pagtulun-an ug mga Pakigsaad, 26–30
Kapitulo 6
Joseph ug Oliver Gihatagan sa Gahum sa Pagkapari
(Mayo 1829)
Si Joseph ug Oliver nakahukom sa pagpangutana sa Dios. Sila adunay hugot nga pagtuo nga ang Dios motabang kanila sa pagkat-on sa matuod. Sa 15 sa Mayo 1829, sila miadto sa mga kakahoyan ug nag-ampo.
Usa ka anghel miduol kang Joseph ug Oliver, Usa ka masiga nga kahayag naglibot sa anghel. Ang anghel mao si Juan Bautista. Siya mibunyag kang Jesus sa dugay na nga panahon.
Si Juan Bautista miduol aron sa paghatag ni Joseph ug ni Oliver sa gahum sa pagkapari. Ang gahum sa pagkapari mao ang gahum sa Dios. Siya mihatag ni Joseph ug Oliver sa Aaronic nga Pagkapari. Mga pari sa Aaronic nga Pagkapari adunay gahum sa pagbunyag sa mga katawhan.
Si Juan Bautista miingon kang Joseph ug Oliver sa pagbunyag sa usag usa. Si Joseph mibunyag kang Oliver. Unya si Oliver mibunyag kang Joseph. Sila gipaunlod ngadto sa ilawom sa tubig sa diha nga sila gibunyagan.
Sa dugay nang panahon si Juan Bautista mibunyag kang Jesus sa mao nga paagi. Si Jesus gipaunlod ilawom sa tubig sa diha nga siya gibunyagan.
Si Joseph ug si Oliver napuno sa Espiritu Santo human sila mabunyagi. Ang Espiritu Santo misulti kanila nga ang matuod nga Simbahan ni Jesukristo sa dili madugay ipahiuli sa yuta pag-usab.
Si Joseph ug si Oliver misulti sa ilang maayo nga mga higala nga sila gibunyagan. Sila misulti kanila mahitungod sa gahum sa pagkapari. Apan si Joseph ug Oliver wala mosulti sa uban nga mga katawhan. Sila nasayud nga ang dautan nga mga katawhan dili motuo kanila. Ang dautan nga mga katawhan mohimo ug kasamok kanila.
Human sa pipila ka mga adlaw, lain nga tulo ka mga anghel miabut. Sila mao si Pedro, Santiago ug Juan. Sila mga Apostoles ni Jesus sa dugay nang panahon. Si Pedro, Santiago, ug Juan mihatag kang Joseph Smith ug Oliver Cowdery sa Melchizedek nga Pagkapari.
Ang gahum sa pagkapari sa Dios nahibalik dinhi sa yuta pag- usab. Karon ang matarung nga mga tawo makaangkon sa gahum sa pagkapari. Ang mga tawo kinsa adunay Melchizedek nga Pagkapari mahimo nga mga pangulo sa Simbahan. Sila makapanalangin sa mga katawhan. Sila makahatag sa mga katawhan sa gasa sa Espiritu Santo.
D&C 20:41–44