“Kapitulo 61: Ang Mormon Batalyon: Hunyo 1846–HuIyo 1847,” Mga Istorya sa Pagtulun-an ug mga Pakigsaad (2002), 218–22
“Kapitulo 61,” Mga Istorya sa Pagtulun-an ug mga Pakigsaad, 218–22
Kapitulo 61
Ang Mormon Batalyon
(Hunyo 1846–HuIyo 1847)
Ang mga Santos diha sa Council Bluffs. Usa ka kapitan sa mga Kasundalohan sa Tinipong Bansa miabut aron sa pagpakigkita kang Brigham Young. Ang iyang ngalan mao si Kapitan Allen.
Si Kapitan Allen miingon nga ang presidente sa Tinipong Bansa nagkinahanglan ug 500 ka mga lalaki aron mosalmot sa pagkasundalo. Si Brigham Young miingon nga ang mga Santos mobuhat sa unsay gusto sa presidente.
Nakigsulti si Kapitan Allen sa mga kalalakin-an ug 500 kanila misalmot sa kasundalohan. Sila gitawag ug Mormon Batalyon. Usahay ang mga sakop sa Simbahan tawgon ug Mormon tungod kay sila nagtuo sa Basahon ni Mormon.
Si Brigham Young misugo sa mga kalalakin-an sa pagtinarong aron mahimong labing maayo nga mga sundalo sa panon sa kasundalohan. Sila nagdala ug Bibliya ug ang Basahon ni Mormon. Kinahanglan nga sila limpiyo, mahinlo ug matinahuron. Dili sila manumpa ni magdula ug baraha. Si Brigham Young misugo sa mga kalalakin-an sa pagsunod sa mga kasugoan sa Dios. Unya dili na sila kinahanglan mopatay pa ni bisan kinsa.
Ang Mormon Batalyon nanguyog uban kang Kapitan Allen. Ang mga Santos nasubo sa pagsud-ong sa ilang paglakaw. Ang mga Santos nagkinahanglan kanilang tanang mga lalaki aron makatabang sa ilang pagpanaw paingon sa Kasadpan. Dili sila buot nga mahilayo ang mga lalaki aron makig-away. Apan sila nasayud nga ang mga kasundalohan adunay suhol. Ang salapi makatabang sa mga Santos.
Ang Mormon Batalyon mipanaw paingon sa habagatan. May pipila ka mga sakop sa banay sa mga sundalo nanguban sa Mormon Batalyon. Malisud kaayo sa katawhan ang pagbiyahe. Kanunay silang naglakaw.
Ang agianan hilabihan ka dautan. Usahay ang mga karomata malubong sa lawom nga balas. Walay tubig nga mainom. Walay kahoy nga kapasilongan aron makapahulay. Ang uban nga mga katawhan nangasakit. Kadto lamang mga masakiton nga mga katawhan maoy nakasakay sa mga karomata.
Si Kapitan Allen nakahukom nga ang mga masakiton nga sundalo ug mga kababayen-an ug mga kabataan kinahanglan magpabilin sa Colorado. Didto sila namuyo sa usa ka lungsod nga gitawag ug Pueblo. Ang mga sundalo gisuholan sa ilang pagkasundalo. Ang uban nga mga masakiton nga sundalo nagpadala ug salapi ngadto sa ilang mga banay didto sa Council Bluffs. Sila nagpadala ug salapi alang sa mga kabus nga katawhan sa Nauvoo ug alang sa mga misyonaryo.
Ang mga sundalo diha sa batalyon kanunay nga nagmartsa. Usahay wala sila masayud kon asa sila paingon. Kinahanglan mokalut sila sa yuta aron sa pagpangita ug tubig. Ang tubig dautan ang lami. Dili igo ang pagkaon sa mga sundalo. Walay kahoy aron maghaling ug kalayo. Ang mga kalaiakin-an nagsunog ug mga sagbot.
Ang mga sundalo nakahimamat sa mga Indian ug uban sa mga katawhan kinsa adunay pagkaon. Ang mga sundalo walay salapi aron ipalit sa pagkaon. Ilang gihatagan ang mga Indian sa pipila nila ka mga saput. Ang Indian naghatag sa mga sundalo ug mga pagkaon.
Ang Mormon Batalyon mipanaw paingon sa kasadpan. Sila nakaagi ug tungason nga mga bukid. Ang mga lalaki kinahanglan mohigot sa pisi ngadto sa mga karomata aron pagbira niini patungas sa bukid. Unya ilang ipadulhog ang mga karomata sa pikas kilid.
Usa ka adlaw niana ang mga sundalo nakakita ug mga turo. Ang mga turo midasdas sa mga sundalo. Ang mga sundalo nakig-away sa mga turo. Sa katapusan ilang giabug ang mga turo paingon sa layo. Usa ka tawo ang nasamad. Dili siya makalakaw sulod sa dugay nga panahon.
Sa katapusan ang Mormon Batalyon miabut sa dagat sa Pasipiko. Petsa 29 kini sa Enero 1847. Ang mga tawo gikapuyan kaayo. Ang ilang mga saput nagkagidlay. Sila malipayon nga ang ilang taas nga panaw natapos na.
Ang mga sundalo gisuholan sa ilang pagkasakop sa kasundalohan. Wala na sila magkinahangian nga masakop pa sa kasundalohan. Mahimo na sila nga makapauli sa ilang mga banay.
Pipila sa mga tawo nagpabilin sa California. Kadaghanan kanila nangadto sa Rocky Mountains aron moipon sa uban nga mga Santos kinsa nakaabut na gikan sa Council Bluffs.