“Գլուխ 10: Առաջին հրաշքը Եկեղեցում: Ապրիլ 1830,” Վարդապետություն և Ուխտեր - Պատմություններ (2002), 43–44
“Գլուխ 10,” Վարդապետություն և Ուխտեր - Պատմություններ, 43–44
Գլուխ 10
Առաջին հրաշքը Եկեղեցում
Ապրիլ 1830
Օլիվեր Քաուդերին ուսուցանեց Հիսուս Քրիստոսի ավետարանից: Որոշ մարդիկ հավատացին Օլիվերին և ցանկացան միանալ Եկեղեցուն: Նրանք ժողովից հետո մկրտվեցին:
Սատանան չէր ուզում, որ մարդիկ միանային Եկեղեցուն, և փորձում էր այնպես անել, որ ոմանք իրենց վատ զգային: Այդ մարդկանցից մեկի անունը Նյուել Նայթ էր:
Ջոզեֆը խնդրեց Նյուելին աղոթել ժողովի ժամանակ, և Նյուելը համաձայնվեց:
Բայց Սատանան չէր ուզում, որ Նյուելն աղոթեր: Երբ Նյուելը գնաց ժողովի, նա ասաց, որ վախենում էր բարձրաձայն աղոթել:
Հաջորդ առավոտ Նյուել Նայթը գնաց անտառ, որպեսզի մենակ աղոթեր: Նյուելը փորձեց աղոթել, բայց Սատանան չէր ուզում, և նա չկարողացավ խոսել: Նա իրեն վատ զգաց, վախեցավ և գնաց տուն:
Նյուելի կինը անհանգստացավ և խնդրեց Ջոզեֆ Սմիթին օգնել: Ջոզեֆը օգտագործեց քահանայությունը և օրհնեց Նյուելին, դուրս քշելով Սատանային: Օրհնությունից հետո Նյուելն իրեն լավ զգաց: Ավելի ուշ նա մկրտվեց: