“Գլուխ 52: Սփոփող Միությունը: Մարտ 1842,” Վարդապետություն և Ուխտեր - Պատմություններ (2002), 186–89
“Գլուխ 52,” Վարդապետություն և Ուխտեր - Պատմություններ, 186–89
Գլուխ 52
Սփոփող Միությունը
Մարտ 1842
Սարա Քիմբալն ասաց, որ կանանց գործվածք կտա: Քույր Քիմբալը խնդրեց մյուս կանանց նույնպես օգնել: Կանայք ժողով անցկացրեցին Քույր Քիմբալի տանը և որոշեցին Եկեղեցում կանանց միություն ստեղծել:
Կանայք խնդրեցին էլիզա Ռ. Սնոուին մի քանի կանոն գրել միության համար: Նա այդ կանոնները ցույց տվեց Ջոզեֆ Սմիթին: Նա ասաց, որ կանոնները լավ են, սակայն ավելացրեց, որ Տերն ավելի լավ ծրագիր ունի կանանց համար:
Ջոզեֆ Սմիթը խնդրեց կանանց գալ ժողովի: Նա ասաց, որ քահանայության ղեկավարները կօգնեն կանանց իրենց միության հարցում: Էմմա Սմիթը ընտրվեց որպես կանանց ղեկավար: Նրանք իրենց խումբը կոչեցին Սփոփող Միություն:
Ջոզեֆ Սմիթը կանանց ասաց, որ օգնեն հիվանդներին և աղքատներին: Նրանք պետք է մարդկանց տային այն օգնությունը, որի կարիքը մարդիկ ունեին: Եպիսկոպոսը պետք է օգներ կանանց իմանալ, թե ինչ անեն:
Կանայք ժալովներ էին անցկացնում, որպեսզի սովորեին այն, ինչ պետք է իմանային: Նրանք ուրախ էին, որ կարող էին օգնել Եկեղեցու անդամներին:
Կանայք հագուստ էին կարում տղամարդկանց համար, ովքեր տաճար էին կառուցում: Նրանք նաև պատրաստում էին իրեր, որոնք պետք է օգտագործվեին տաճարում:
Կանայք ուտելիք էին պատրաստում այն մարդկանց համար, ովքեր ունեին դրա կարիքը: Նրանք հոգ էին տանում հիվանդ մարդկանց համար և այլ գործեր էին անում Սրբերին օգնելու համար:
Եկեղեցում բոլոր կանայք պատկանում են Սփոփող Միությանը: Նրանք օգնում են մարդկանց: Նրանք սովորում են ավետարանի մասին: Նրանք սովորում են լավ գրքերի, երաժշտության և արվեստի մասին: Նրանք սովորում են, ինչպես ամրացնել ընտանիքները: (Այս գլխի աղբյուրը. History of Relief Society, 1842–1966 [1967]:)