“Գլուխ 5: Ջոզեֆ Սմիթը և Օլիվեր Քաուդերին: Փետրվար – ապրիլ 1829,” Վարդապետություն և Ուխտեր - Պատմություններ (2002), 22–25
“Գլուխ 5,” Վարդապետություն և Ուխտեր - Պատմություններ, 22–25
Գլուխ 5
Ջոզեֆ Սմիթը և Օլիվեր Քաուդերին
Փետրվար – ապրիլ 1829
Հիսուսը Ջոզեֆին տվեց հայտնություն իր հոր մասին: Հայտնությունն ասում էր, թե ինչպես մարդիկ կարող էին օգնել Հիսուսին: Նրանք պետք է սիրեն Հիսուսին: Նրանք պետք է շատ աշխատեն, ուսուցանելով ավետարանը: Նրանք պետք է սիրեն և օգնեն մյուս մարդկանց:
Մարդիկ, ովքեր ցանկանում են օգնել Հիսուսին, պետք է նաև աղոթեն և հավատք ունենան: Հիսուսն ասաց, որ Իրեն օգնող մարդիկ կօրհնվեն:
Ջոզեֆի հայրը գնաց տուն և փորձեց անել այն, ինչ Հիսոան իրեն ասել էր: Նա կիսվեց ավետարանով իր ընտանիքի տարբեր անդամների հետ:
Ջոզեֆը պետք է աշխատեր իր ֆերմայում: Նա նաև պետք է թարգմաներ ոսկե թիթեղները: Դա չափազանց մեծ աշխատանք էր նրա համար, և նա աղոթեց Երկնային Հորը և օգնություն խնդրեց:
Երկնային Հայրը պատասխանեց Ջոզեֆի աղոթքին: Նա Օլիվեր Քաուդերի անունով մի մարդ ուղարկեց Ջոզեֆի մոտ: Օլիվերը ցանկանում էր իմանալ ոսկե թիթեղների մասին: Ջոզեֆը պատմեց նրան Մորոնի հրեշտակի, թիթեղների և Մորմոնի Գրքի մասին:
Օլիվերը հավատաց Ջոզեֆին և ասաց, որ կօգնի թարգմանել ոսկե թիթեղները: Ջոզեֆը բարձրաձայն կարդում էր բառերը, իսկ Օլիվերը գրում էր դրանք թղթի վրա: Ջոզեֆը և Օլիվերը շատ էին աշխատում:
Հիսուսը շատ բաներ սովորեցրեց Ջոզեֆին և Օլիվերին: Նա ասաց, որ նրանք պետք է ոչ թե հարստություն, այլ իմաստություն և հավերժական կյանք փնտրեին: Նա նաև ասաց, որ նրանք պետք է սովորեին Աստծո մասին և օգնեին մարդկանց սովորել ավետարանը: Նրանք պետք է լինեին հավատարիմ և բարի գործեր կատարեին: Եթե այդպես անեին, ապա կարող էին ընդմիշտ ապրել Երկնային Հրր հետ:
Հիսոան ասաց, որ Օլիվերը միշտ պետք է լինի Ջոզեֆի ընկերը և օգնի նրան դժվար ժամանակ: Հիսուսը նաև ասաց, որ Օլիվերը կարող է սովորել թարգմանել Ջոզեֆի նման: Սուրբ Հոգին կօգներ Օլիվերին թարգմանել, բայց Օլիվերը պետք է բավական հավատք ունենար:
Օլիվերը փորձեց թարգմանել: Նա մտածում էր, թե դա հեշտ կլիներ, սակայն չկալտղացավ:
Հիսոան ասաց, որ Օլիվերը ճիշտ ձևով չի խնդրել Աստծո օգնությունը: Հիսուսը Ջոզեֆ Սմիթին ասաց, թե ինչպես կարող են Օլիվերը և բոլոր մարդիկ օգնություն ստանալ Աստծուց:
Երբ մարդիկ օգնության կարիք ունեն, նրանք պետք է խորը մտածեն, թե ինչ անեն: Նրանք պետք է որոշեն, թե ինչն է ճիշտը:
Ապա նրանք պետք է հարցնեն Աստծուն, թե արդյոք դա ճիշտ է: Եթե դա ճիշտ է, ապա նրանք լավ զգացում կունենան իրենց սրտում: Նրանք կիմանան, որ դա ճիշտ է:
Եթե սխալ է, ապա սրտում լավ զգացում չեն ունենա:
Օլիվերն այլևս չփորձեց թարգմանել Մորմոնի Գիրքը: Դրա փոխարեն նա գրի էր առնում Ջոզեֆի թարգմանած բառերը: Հիսուսն ասաց, որ օփվերը կօրհնվի Ջոզեֆին օգնելոլ համար.