“Գլուխ 8: Պատրաստվել Հիսուս Քրիստոսի Եկեղեցու համար: Ապրիլ 1830,” Վարդապետություն և Ուխտեր - Պատմություններ (2002), 34–39
“Գլուխ 8,” Վարդապետություն և Ուխտեր - Պատմություններ, 34–39
Գլուխ 8
Պատրաստվել Հիսուս Քրիստոսի Եկեղեցու համար
Ապրիլ 1830
Հիսուսն ասաց, որ Մորմոնի Գիրքը ուսուցանում է Իր ավետարանը և վկայում է Աստծո ու Նրա աշխատանքի մասին: Հիսուսը խոստացավ օրհնություններ նրանց, ովքեր հավատքով կընդունեն այդ գիրքը, և պատիժ նրանց, ովքեր այն կմերժեն:
Հիսուսը պատմեց երկրի վրա Իր կյանքի մասին: Երկնային Հայրն ուղարկեց Նրան այստեղ, որ Նա լիներ մեր Փրկիչը: Սատանան գայթակղեց Նրան, սակայն Հիսուսը չլսեց նրան:
Հիսուսը մեծ ցավ էր ապրում մարդկանց վատ գործերի համար: Իր կյանքի վերջում Նա տառապեց և արյուն թափեց բոլոր մարդկանց համար: Մարդիկ Նրա պես չեն տառապի, եթե ապաշխարեն:
Ամբարիշտ մարդիկ մեխեցին Հիսուսին խաչի վրա և սպանեցին Նրան:
Հիսուսի ընկերները Նրա մարմինը դրեցին գերեզմանի մեջ:
Երեք օր անց Հիսուսը հարություն առավ: Նա կրկին կենդանի էր:
Քանի որ Հիսուսը հարություն առավ, բոլոր մարդիկ հարություն պետք է առնեին: Քանի որ Նա տանջվեց և մահացավ բոլոր մարդկանց մեղքերի համար, մենք կարող ենք ներվել, եթե ապաշխարենք: Մենք կվերադառնանք և կապրենք Երկնային Հոր հետ, եթե հավատք ունենանք, ապաշխարենք և մկրտվենք, և աշխատենք ամեն կերպ պահել պատվիրանները:
Հիսուսը նաև մարդկանց սովորեցրեց մկրտության մասին: Նա ասաց, որ նրանք պետք է մկրտվեն և դառնան Իր Եկեղեցու անդամները: Նրանք, ովքեր ցանկանում են մկրտվել, պետք է ապաշխարեն: Նրանք պետք է սիրեն և հնազանդվեն Հիսուսին: Նրանք պետք է լինեն առնվազն ութ տարեկան:
Հիսուսը ուսուցանեց մկրտվելու ճիշտ եղանակը: Նա ասաց, որ մարդուն կարող է մկրտել Ահարոնյան Քահանայության քահանան կամ Մելքիսեդեկյան Քահանայություն ունեցող տղամարդը: Մկրտողը անձին մտցնում է ջրի մեջ և հատուկ աղոթք ասում:
Մկրտողը մտցնում է մարդուն ջրի տակ: Ապա նա հանում է մարդուն ջրի միջից:
Երբ մարդիկ մկրտվում են, նրանք խոստանում են հնազանդվել Հիսուսին: Նրանք խոստանում են նաև ասել և անել բարի բաներ:
Հիսուսը պատմեց նաև փոքր երեխաներին օրհնելու մասին: Մելքիսեդեկյան Քահանայություն ունեցող տղամարդիկ կարող են օրհնել մանուկներին: Տղամարդիկ պահում են երեխային իրենց ձեռքերի մեջ, իսկ նրանցից մեկը երեխային անուն և օրհնություն է տալիս:
Հիսուսը պատմեց հաղորդության մասին: Նա ասաց, որ մենք պետք է հաճախ ընդունենք հաղորդությունը: Բայց եթե մենք վատ արարք ենք կատարում, մենք չպետք է հաղորդություն ընդունենք, մինչև որ չապաշխարենք:
Մենք ընդունում ենք հաղորդությունը Հիսուսին հիշելու համար: Հացը մեզ օգնում է մտածել Նրա մարմնի մասին: Մենք հիշում ենք, որ Նա մեզ համար մահացավ խաչի վրա:
Ջուրը մեզ օգնում է մտածել Հիսուսի արյան մասին: Մենք հիշում ենք, որ նա տառապեց և արյուն թափեց մեզ համար Գեթսեմանի Այգում:
Մենք ուխտեր ենք կապում, երբ ընդունում ենք հաղորդությունը: Ուխտը խոստում է: Մենք խոստանում ենք, որ կաշխատենք լինել Հիսուսի նման: Մենք խոստանում ենք, որ միշտ կհիշենք Նրան: Մենք խոստանում ենք նաև հնազանդվել Նրա պատվիրաններին: Եթե մենք պահենք մեր ուխտերը, ապա մենք խոստում ունենք, որ Նրա Հոգին մեզ հետ կլինի: