“Գլուխ 56: Սրբերը հանդիպում են ավելի մեծ դժվարությունների: 1843–1844,” Վարդապետություն և Ուխտեր - Պատմություններ (2002), 199–200
“Գլուխ 56,” Վարդապետություն և Ուխտեր - Պատմություններ, 199–200
Գլուխ 56
Սրբերը հանդիպում են ավելի մեծ դժվարությունների
1843–1844
Նավույի մոտ ապրող մարդկանց մեծ մասը Եկեղեցու անդամներ չէին: Նրանցից շատերը չէին սիրում Սրբերին և սկսեցին անհանգստացնել նրանց:
Որոշ մարդիկ սկսեցին հավաքվել, դառնալով ամբոխ: Նրանք գողանում էին Սրբերի անասուններին և այրում էին նրանց պահեստները և տները: Նրանք փորձում էին ստիպել Սրբերին հեռանալ Նավույից: Ոստիկանությունը և զինվորները չէին կանգնեցնում ամբոխին: Նահանգապետը չէր օգնում Սրբերին:
Ջոզեֆ Սմիթը Նավույի Սրբերին ասաց, որ նրանք ավելի շատ դժվարություններ են ունենալու: Նա գիտեր, որ մի օր իրենք պետք է հեռանային Նավույից և գնային հեռու վայր, որտեղ ոչ ոք իրենց չէր անհանգստացնի:
Ջոզեֆ Սմիթը ժողով անցկացրեց Առաքյալների և այլ տղամարդկանց հետ: Նա նրանց ասաց գտնել մի վայր, որտեղ Սրբերը կարող էին ապրել, երբ հեռանային Նավույից:
Ջոզեֆը ուսումնասիրեց երկրի քարտեզները: Քարտեզների վրա կար մի վայր, որտեղ բարձր սարեր և լայն հովիտներ կային: Ջոզեֆը գիտեր, որ դա լավ տեղ կլիներ Սրբերի համար:
Նավույում որոշ մարդիկ նախկինում Եկեղեցու անդամներ էին, սակայն շրջվել էին Եկեղեցու դեմ: Նրանք ատում էին Ջոզեֆ Սմիթին և ուզում էին սպանել նրան: Նրանք օրաթերթ հիմնադրեցին և սկսեցին վատ բաներ գրել Ջոզեֆի և Սրբերի մասին:
Նավու քաղաքի ղեկավարները բարկացան օրաթերթի առիթով: Քանի որ այն ստեր էր հրատարակում, ղեկավարները կարծեցին, թե իրավական իշխանություն ունեն և կարող են կանգնեցնել այն: Որոշ մարդիկ գնացին թերթի տպագրության շենք և այրեցին թերթերը ու ջարդեցին տպագրամեքենան: Դա էլ ավելի զայրացրեց Եկեղեցու թշնամիներին: