“Գլուխ 64: Սրբերը Ռոքի Մաունթեյնսում: Հուլիսի սկիզբ, 1847,” Վարդապետություն և Ուխտեր - Պատմություններ (2002), 230–33
“Գլուխ 64,” Վարդապետություն և Ուխտեր - Պատմություններ, 230–33
Գլուխ 64
Սրբերը Ռոքի Մաունթեյնսում
Հուլիսի սկիզբ, 1847
Բրիգամ Յանգը և մյուս ղեկավարները կազմեցին քաղաքի հատակագիծը: Ամեն ընտանիքի տրվեց որոշ հող տան և ֆերմայի համար: Պիոներները կառուցեցին փայտե տնակներ և ցորեն ցանեցին: Նրանք գիտեին, որ մեծ հավատք և ծանր աշխատանք էր պահանջվում այդտեղ բնակվելու համար, բայց նրանք հավատացած էին, որ հաջողության կհասնեին Աստծո օգնությամբ:
Բրիգամ Յանգը քաղաքը բաժանեց հինգ ծխերի, և մարդիկ սկսեցին եկեղեցիներ կառուցել: Որքան շատ պիոներներ էին գալիս հովիտ, այդքան ավելի շատ ծխեր էին կազմակերպվում:
Պիոներները դպրոց հիմնեցին: Դպրոցի դասերը և Եկեղեցու ժողովները նույն շենքում էին անցկացվում: Ավելի ուշ սկսվեց կիրակնօրյա դպրոցը:
Բրիգամ Յանգը միսիոներներ ուղարկեց օվկիանոսից այն կողմ գտնվող երկրներ: Հազարավոր մարդիկ տարբեր երկրներում միացան Եկեղեցուն:
Շատ մարդիկ, ովքեր միացան Եկեղեցուն, խրախուսվեցին գալ Մեծ Սոլթ Լեյք Հովիտ և միանալ Սրբերին: Նրանք մեծ զոհաբերությունների գնացին, թողնելով իրենց տները, անցնելով օվկիանոսը և ողջ Ամերիկան‘ Սոլթ Լեյքի Հովիտ հասնելու համար:
Պիոներների մեծ մասը դաշտերն անցան ծածկված սայլակներով, որոնք տանում էին անասունները: Կային պիոներներ, որոնք փող չունեին սայլակներ կամ անասուններ գնելու համար և երկու անիվ ունեցող փոքրիկ սայլակներ էին պատրաստել: Դրանք կոչվում էին ձեռնասայլակներ: Պիոներները իրենց բոլոր իրերը դնում էին սայլակների մեջ և հրում կան քաշում էին սայլակները դաշտերով: Շատ դժվար էր անցնել դաշտերով: Շատերը հիվանդացան և մահացան:
Բրիգամ Յանգը իմաստուն ղեկավար էր: Նա ուղարկեց Սրբերին քաղաքներ կառուցելու արևմուտքի տարբեր մասերում, ներառյալ Այդահոն, Վայոմինգը, Արիզոնան և Կալիֆորնիան:
Սրբերը շատ փորձություններ ունեցան: Երբեմն նրանց ցորենը չէր աճում, որովհետև շատ ցուրտ էր կամ շոգ: Երբեմն միջատները ուտում էին ցորենը: Բայց Սրբերը աղոթում էին և հավատք ունեին, և Աստված օգնում էր նրանց հաղթահարել փորձությունները:
Որոշ վայրերում, ուր Սրբերը ճանապարհորդում էին, հնդկացիներ կային: Երբեմն Սրբերի և հնդկացիների միջև խնդիրներ էին առաջանում: Բրիգամ Յանգը Սրբերին ասում էր, որ բարյացակամ լինեն: Շատ հնդկացիներ դարձան նրանց ընկերները, իսկ ոմանք դարձան Եկեղեցու անդամներ:
Սրբերը սկսեցին տաճարներ կառուցել, ինչպես Կիրթլենդում և Նավույում: 1853 թ. նրանք սկսեցին տաճար կառուցել Սոլթ Լեյք Սիթիում: Նրանք աշխատեցին 40 տարի և ավարտեցին այն: Սոլթ Լեյքի Տաճարը ավարտելուց առաջ նրանք տաճարներ կառուցեցին Սենթ Ջորջ, Լոգան և Մանթի քաղաքներում: