“Գլուխ 37: Քահանայության ղեկավարները: Փետրվար – մարտ 1835,” Վարդապետություն և Ուխտեր - Պատմություններ (2002), 140–44
“Գլուխ 37,” Վարդապետություն և Ուխտեր - Պատմություններ, 140–44
Գլուխ 37
Քահանայության ղեկավարները
Փետրվար – մարտ 1835
Տերը Օլիվեր Քաուդերիին, Դեյվիդ Վիթմերին և Մարտին Հարիսին ասաց, որ նրանք Առաքյալներ ընտրեին: ժողովին Օլիվերը, Դեյվիդը և Մարտինը օրհնվեցին Եկեղեցու Առաջին Նախագահության կողմից: Ապա նրանք միասին աղոթեցին և ընտրեցին տասներկու լավ տղամարդ:
Տասներկու տղամարդիկ կարգվեցին Առաքյալներ: Առաքյալների կանչումը Տիրոջ Եկեղեցու վերականգնման ամենակարևոր իրադարձություններից մեկն էր:
Առաքյալները շատ կարևոր ղեկավարներ են Եկեղեցում: Նրանք գիտեն, որ Հիսուսը մեր Փրկիչն է: Նրանք քարոզում են ավետարանը ողջ աշխարհով մեկ:
Մի քանի օր անց, այլ մարդիկ ընտրվեցին ղեկավարելու Եկեղեցին: Նրանք կոչվեցին Յոթանասունականներ: Յոթանասունականները օգնում էին Առաքյալներին:
Մի օր Տասներկու Առաքյալները ժողովի էին անցկացնում: Նրանք պատրաստվում էին գնալու միսիայի և ցանկանում էին ստանալ Երկնային Հոր օգնությունը:
Առաքյալները խնդրեցին Ջոզեֆ Սմիթին աղոթել հայտնություն ստանալու համար, որը կօգներ իրենց միսիայում: Հիսուսը Ջոզեֆին և Առաքյալներին մեծ հայտնություն տվեց, որում Նա նրանց ասաց քահանայության մասին:
Վարդապետություն և Ուխտեր 107, բաժնի խորագիր
Քահանայությունը Աստծո զորությունն է երկրի վրա: Աստված քահանայություն է տալիս արդար մարդկանց: Մարդիկ, որոնք քահանայություն են կրում, կարող են լիազորություն ունենալ քարոզելու ավետարանը, կատարելու ծեսեր և լինելու Եկեղեցու ղեկավարներ:
Եկեղեցում կա երկու տեսակի քահանայություն: Մեկը Մելքիսեդեկյան Քահանայությունն է, որը կոչվում է նաև ավելի մեծ քահանայություն: Եկեղեցու Նախագահը, նրա խորհրդականները, Տասներկու Առաքյալները և Յոթանասունականները ունեն Մելքիսեդեկյան Քահանայություն:
Եկեղեցու Նախագահը Աստծո մարգարեն է: Նա մարդկանց ասում է, թե ինչ է Հիսուսը ցանկանում, որ նրանք անեն: Մարգարեն ունի խորհրդականներ, որոնք օգնում են նրան: Մարգարեն և նրա խորհրդականները Եկեղեցու Առաջին Նախագայությունն են կազմում:
Քահանայապետերը նույնպես ունեն Մելքիսեդեկյան Քահանայություն: Ցցերում և ծխերում շատ ղեկավարներ քահանայապետեր են: Նրանցից են ցցերի նախագահները, եպիսկոպոսները և բարձրագույն խորհրդականները:
Տղամարդիկ, ոյանք կարգված են որպես երեցներ, նույնպես ունեն Մելքիսեդեկյան Քահանայություն: Երեցները պետք է ուսուցանեն Եկեղեցու անդամներին և պետք է հոգ տանեն նրանց մասին:
Երեցները կանչվում են միսիայի, որպեսզի ուսուցանեն ավետարանը ողջ աշխարհում բոլոր մարդկանց:
Բոլոր տղամարդիկ, ովքեր ունեն Մելքիսեդեկյան Քահանայություն, կարող են օրհնել մարդկանց: Նրանք կարող են նաև մարդկանց տալ Սուրբ Հոգի:
Մյուս քահանայությունը Ահարոնյան Քահանայությունն է, որը կոչվում է նաև ավելի ցածր քահանայություն: Ահարոնյան Քահանայությունը ներառում է եպիսկոպոսի, քահանայի, ուսուցչի և սարկավագի պաշտոնները: Քահանաները կարող են մկրտել մարդկանց, օրհնել հաղորդությունը և օգնել երեցներին:
Ուսուցիչները պատրաստում են հաղորդությունը: Նրանք կատարում են տնային ուսուցում և օգնում են Եկեղեցու անդամներին լավ կյանքով ապրել:
Սարկավագները բաժանում են հաղորդությունը: Նրանք նաև հավաքում են ծոմի նվիրատվությունները և օգնում են եպիսկոպոսին:
Հիսուսն ասել է, որ բոլոր տղամարդիկ, ովքեր քահանայություն են կրում, պետք է իմանան, թե ինչ է Աստված ուզում, որ իրենք անեն: Եթե նրանք շատ աշխատեն, Երկնային Հայրը կօրհնի իրենց: