Tibwauan te Tai

Tai Maaku

Mairoun Elizabeth Ricks

“Ngaia are ngkana iai am onimaki ko kantaningai bwaai aika aki nooraki, aika a koaua” (Alma 32:21).

Noora te tamnei anne n te maing. Iangoia bwa ngkoe temanna ibuakoia ataei. Ko na maaku ngkana ko rinanon te karanga ni kawaekoako? Ko na maaku ngkana arona bwa e tauko te Tia Kamaiu?

E atuunaki te tamnei ae tamaroa aei n Tai Maaku. Ataei ake n te tamnei aki riai ni maaku ibukina bwa te Uea e buokiia ni karokoia n are iterana.

Te tari Greg Olsen, te tia korotamnei are beenia te tamnei aei, e kabwarabwara bwa ataei ibukira n tatabemaniira. “Te karaanga e tei ibukin te kangaanga, taai ni kakatai ake ti rinanona,” e taku. “Ti riai ni karaoa tabera, tina karokoira ieta n aron are ti kona, ao te Uea e na kairiira ni kamanoira nakon are iterana.”

Ngkana iai ara onimaki iroun te Uea Iesu Kristo, ti kona n oota bwa tiaki ti ngaira iaon mwanangara rinanon maiura. Ngkana ti nanorinano ao iai ara onimaki, ti kona n ataia ae te Uea e na kairiira ni baina ao e na anganiira kaekaan ara tataro (tara D&C 112:10). Ngkana ti katuka ara onimaki iroun Iesu Kristo, tina bon aki kona ni maaku.

Waaki ni Kakukurei

Kanimwa mwakorokoron te tamnei ao te kai n tamnei n te itera ni baa R4 nakon te beeba ae tinebu riki. Korokorea te tamnei ao mwakorokoron te kai n tamnei, ao karauraua ni kanimwa ke teibin koonana ni karaoa te kaintamnei. Katomimia te tamnei n te kai n tamnei, ao kamatoa n te teibi ke te kanim. Kaota te tamnei Tai Maaku are e na kauringko bwa e riai ni iai am onimaki iroun Iesu Kristo. Iangoia n am iango bwa ngkoe te tetei ae ko karietako bwa kona taua Baina ke ko tauaki ni kamanoaki iaan Baina.

Baika ana taraaki: Ngkana ko aki tangiria ni kanakoa baan te beba ni kaongora, e kona ni kaeweaki te waaki ni kakukurei aei, katotoongaki, ke ni kaeweaki man www.lds.org. Ibukin te Ingiriti, kiriki iaon “Gospel Library.” Ibukin taetae tabeua, kiriki ni mwaben te aonaaba.

Iango ibukin Tibwauaan te Tai

1. Kabwarabwara bwa ngkana iai ara onimaki iroun te Uea Iesu Kristo, ti kariaia bwa E na Kairiira, e ngae ngke ti tuai kona n noori ke n oota bwa e ngaa ae tina nako iai. Kamanenai kain tekateka, taibora, ao bwaai tabeua are a kona ni karaoa te kawai. Rinea temanna te teei bwa e na nakonako n te kawai. Imwiina tuanga temanna bwa e na anga nanona ni kabaeaki matana. E na rinanon te kawai anne neienne ke teuanne, ma tuangnga bwa kona manga moan bairea te kawai. Tuangnga bwa e na rinea raoraona are e aki kabaeaki matana bwa te tia kairia. Anaia uoman ataei bwa a na kitana te ruu. Manga moan bairea te kawai. E na kairiraki are kabaeaki matana iroun te rao are e aki kabaeaki rinanon te kawai are e tia ni karaoaki. Te kairiri e kona ni karaoaki n te taetae ao n tauaki bain te tei. Kaokioka, bitakin te kawai ni katoa tai, ngkana e tau te tai. Kabwarabwara ae ngkana ti mwananga rinanon maiura, ti kainanoa te kairiri are e na buokiira. Ti kainanoa ae tina rinea ae ti ataia ao ti onimakinna. Kaota am kakoaua bwa te tia kairi ae moan te tamaroa bon Iesu Kristo.
2. Tuangiia ataei, “Tera ae na riki ngkana ko karina moa am kau imwain karinan am nangoa ni wae.?” “Tera ae na riki ngkana ko nakon te kauarinan n reirei ngke nimaua am ririki?” Maroroakina bonganan karaoan bwaai n aroia ae eti. Titirakiniia ataei bwa tera ana moan tua te ekaretia. Tuangiia bwa ana taraa te reke inanon Taekan te Onimaki. Kabwarabwara bwa moan tua n te ekaretia tiaki ti te “onimaki”; bon “te onimaki iroun te Uea Iesu Kristo.” Titirakiniia ataei bwa bukin tera n aia iango te onimaki iroun Iesu Kristo bon te moan tua irarikin irariki ake tabeua n aron te raira n nano, te nakoanibonga, ke te kabwianibwai. Kaoti ni katei tamnei aikai: Gospel Art Picture Kit 100 (Karikibwai—Maan aika Maiu), 243 (Kristo ngke e Nakonako iaon Taari), 318 (Tarin Jared are Noora Tabonibain te Uea), 412 (Mary Fielding ao Joseph F. Smith n Rinanon te Tawaana). Rinanoi raoi taian karaki. Imwiin rinanoan taian karaki titirakiniia ataei titiraki n aron aikai “Tera ae kainanoia Betero imwaain ae na nakonako iaon taari?” Anganiia ataei bwa ana kaeka ni kangai, “Te Moan, te onimaki iroun te Uea Iesu Kristo.” Kaokiokia ni katoa karaki.