Kaukan Te Katebwiina n Tembora i Europe

E a tia te Ekaretia ni katabwanina katean te tembora i Helsinki, Finland, inanon Aokati 2006—te ka 10 n tembora i Europe ma bon te moan i Finland.

Inanon uoua te wiiki imarenan Tebetembwa 21 ao Okitobwa 7, 2006, e a neweabaaki te tembora iroun te botanaomata n kaukan noorana n neweabaaki. Imwiin neweabaakina iroun te botanaomata, e a katabuaki te tembora n te Taabati, Okitobwa 22. Aua te tataro ni katabu ae karaoaki ibukia Aomata Aika Itiaki n te aono are a na kabongana te tembora.

Ibukin reitakin katabuan te tembora, e a karaoaki te bukamaru iaon katangitang ao maie ni katein te aba irouia kaain te Ekaretia ni kabuta te aono are e karaoaki n te Kaonobong, Okitobwa 21, 2006, i Helsinki.

E karekea te tembora te kawai ni karekean kakabwaia nakoia membwa ngkana a iri mwakuri iaon karaoan berita aika tabu ao otenanti ao ni karekei babaire ibukin te maiu imwain te maiu ae mamate, te kaantaninga ibukin te maiu aei, ao oin mwiokoan Iesu Kristo bwa te Tia Kabooia natin te Atua ni kabane.

E a tia n taekinna Unimwaane Russell M. Nelson man te Kooram n Abotoro ake Tengaun ma Uoman bwa “Tembora n tatabeua bon te kanikina ibukin ara onimaki iroun te Atua ao kakoauan ara onimaki ibukin te maiu imwiin te mate.” “Te tembora bon te bwai ibukin waaki ni kabane, reirei ni kabane, ao mwaneka ni waakirake inanon te Ekaretia. Ni kabane korakorara ibukin tataekinan te euangkerio, kakororaoaia Aika Itiaki, ao kamaiuaia mate n te nakon te tembora ae tabu” (“Prepare for Blessings of the Temple,” Ensign, Maati 2002, 17).

Taian kakabwaia ibukin te tembora a nang kai reke irouia membwa aika e kaania 26,000 n te aono are tabeakinaki iroun te tembora, n ikotaki ma Finland, Estonia, Latvia, Lithuania, Belarus, ao Russia.

Finland bon mweengaia kaain te Ekaretia ae raka nakon 4,500. E moanaki te mwakuri ni mitinare ikekei inanon kaan tokin 1800. Mitinare mwaane aika Swedish a mwakuri ngkoa i Vaasa inanon 1876. N te ririki arei, e a bwabetitoaki te moan aomata n rairaki i Finland, ao n te 1886, 25 aomata ake a tia ni bwabetitoaki ibuakoia kaain Finnland ake a taetae n te Swedish. E moan kateaki te Finnish Mition inanon 1947, ngke bon ti 129 kaain te aro i Finland. Inanon te 7 n ririki are imwiina, e a karekea kinakina te Ekaretia iaan te tua ao e a rairaki Ana Boki Moomon nakon te taetae ni Finnish. Te Helsinki Titeiki e moan kateaki inanon Okitobwa 1977 ma kain te aro ae 3,642.

Te Helsinki Finland Tembora e moan katanoataaki n Eberi 2, 2000, n tain te ka 170 Maungatabu ni Kabuta n te Ekaretia n te Ririki. Katabwenaan aon tano e karaoaki itinanikun kaawan Helsinki ae Karakallio, Espoo, ni Maati 29, 2003. Bon te ka 124 n tembora ni mwakuri n te aonaaba ao te ka 3 inanon aban te Nordic. Tembora i Stockholm, Sweden, ao Copenhagen, Denmark, a tabwanin kateakiia inanon 1985 ao 2004.

“Ni koauana raoi tembora aikai a bon okoro maibuakoia kateitei ni kabane,” e taekinna Beretitenti Gordon B. Hinckley. “Bon taian auti ibukin te kaetieti n reirei. Bon taabo ibukin berita aika tabu ma taian tuea. N taian baonikarea ti katorobubua imatan te Atua te tia Karikiira man anganaki berita ibukin Ana kakabwaia aika akea tokiia. Inanon aia reitaki ae tabu ti taetae ma Ngaia ni kauringa Natina te Mwaane, ara Tia Kamaiu ao te Tia Kabooira, te Uea Iesu Kristo, ara beeku n onean mwiira n tatabemaniira ni karaoan te angakarea n onomwi ibukira. Ike ti tinanikui arora n tabeakiniira moa iroura ao ni beeku ibukia naake aki bati ni konabwai. Ikai, iaan te nakoanibonga ae koaua ibukin te Atua, ti a ikotaki ni kabaeaki inanon te reitaki ae moan te tabu ibukia aomata—n riki bwa mwaanenumwa ao ainenumwa, n riki bwa karo ao naati, n riki bwa utu iaan te kabaeaki ae aki kona n uruakaki n te tai mani karaureaki n te mate.

“Taian kateitei aika tabu aikai a bon kateaki inanon tain te ririki n rotongitong ngke e korakora bwainikirinakiia Aomata aika Itiaki ao a kakionakoaki. A bon kateaki man kateimatoaki tamaroaia inanon tain te kainnano ao te kaubwai. A roko ma te onimaki ae moan te kakawaki ibukia naake a rikirake-n taainako mwaitia ae naake a kaota kakoauan te Atua ae maiu, ibukin te Uea ae mangauti, ibukia burabeti ao kaotioti mai karawa, ao ibukin te rau ao kakoauan raoi kakabwaia aika akea tokiia bwa a na bon ti kuneaki inanon ana auti te Uea” (“Why These Temples?” Tambuli, Tuun 1992, 2; Ensign, Aokati 1974, 37).