Tai Bwara n Nano

Tamnei

N ai aroia tabeman ibuakomi, I ataia bwa tera kaitaraan te unuun ao kamamaeakiia te roro ae rikirake. N au tai n ataeinimwaane, I kaaina te tiim n orobooro n te moan rinan ao te kaua rinan n reirei. A rineaki uoman kaaben, ao ngkanne, a uaia, n rineia taan takakaro ake ana kaaina aia tiim. A rineaki moa taan takakaro aika rangin ni bwaati, te kauoua ake imwiina ao te katenua ake imwiina riki. N rinean te kaaua ke te kanimaua e aki rangi ni buakaka, ma rinean te kabane ao kanakoaia nakon taabo aika akea kaaiia bon te bwai ae aki raoiroi ao ni kakubanako. I ataia, ngke I roko ikekei.

Au kantaninga bwa e naki roroko te boro n te tabo are I mena iai, bwa I kakoaua bwa e na bon bwaka irou, man reke aia bui kain te tiim are teuana, ao kaain te tiim ana ngare.

E ngae ngke ai tibwa ngkoananoa, I uringa te tai te tai anne ngke a bane ni bitaki bwaai aikanne inanon maiu. E moanaki te takakaro n aron are I a tia ni kabwarabwara: I rineaki n te kabanea. I kakaea kawaiu rinanon te rawawata n te tabo ae raroa mai irouia aomata ao ni mataku irouia kaain te tiim tabeman ake a oroboro ma taan biri. Uoman taan oroboro ake aki orea te booro ao a tiku. N te tai ae aki maan, te tia oro booro imwiina e oroia ni karietata ni kararoa. I ongo bwanaana ni kangai, “Aio bon te tabo n toki.” E bon rangi ni kamamaa, riki ngkai e biri te booro ni kaitaraai. I kona n roko iai? I kaea te tabo are I taku bwa e na bwaka te booro iai, ni karaoa au tataro inanon biriu, ao ni kanakoa baiu ni kamwangkongkoa. I mimi ibon irou. E reke te boro irou! A moanna kaain au tiim n te takakaro.

Aio teuana te bwai ae I rinanona are I bon onimakinai iai, e karikirakea nanou ni kani karaoia, ao e kairai man te kabane- n-rineaki te tia takakaro ae bati ana ibuobuoki nakon te te tiim.

Ti kona ni karikirakea onimakinara ibon iroura iai. Ti kona n namakina te kamoamoa n are ti karaoia. Teniua-taeka aikai bon te kawai are e na kona ni buokiira: Tai bwara n nano.

Man taeka n te maungatabu ni kabuta n Okitobwa 2005.