Iango Riki Iaon Tibwauan te Tai, Tianuare 2007

Aikai riki iango ake a na kona ni kabonganai mataniwi n te Moanrinan n reitaki ma are e boreetiaki inanon te Riaona ibukin Tibwauan te Tai n Tianuare 2007. Ibukin te reirei, babaire, ao waaki ni kakukurei ake a kaineti ma iango aikai, tara “Kona Aki Maaku” iaon iteraniba R4 ao R5 ibukin aia mwakoro ataei inanon te boki aei.

1. Ngkana I tataro ao e kakorakoraaki au onimaki iroun Iesu Kristo. Kaoa temanna te tari n te uoote ke n te mwaanga n aron ana kariaia te bitiobi ke te beretitenti n te mwaanga bwa e na kunnikaina ni kunnikai aika aki tara ni bebete aroia ao ni kaota aron Iotebwa Timiti ni karakina taekan te Moan Mi ni Burabeti (tara Joseph Smith—History 1:5–20). Tuangnga bwa e na ti taetae iaon te onimaki are e reke iroun Iotebwa Timiti ngke e wareware man Iakobo 1:5 ao n ataia bwa e kona n “bubutia te Atua.” Tuangnga bwa e na kabwarabwara aron ana botumwaaka Iotebwa Timiti n nakon te buakonikai ni kareke kaekaan ana titiraki. Inanon ana tai ni karaki te irua, tuanga te tia katanga te biaano bwa e na katangnga n te aro ae maaraara “Joseph Smith’s First Prayer” (Hymns, nambwa 26) ke te anene n taromauri teuana ibukin te Burabeti. Tuanga te irua bwa e na kaota ana koaua ibukin Iotebwa Timiti ibukin mwaakan te tataro. Angania ataei booki n anene n anenea “Joseph Smith’s First Prayer.”

2. Iai au onimaki iroun te Uea Iesu Kristo. E na buokai ni kawakin tuua. Kaotia nakoia ataei aron taraan koraan te makeke. Nakonako nakoia ataei ni kabane bwa a na bane n noora aron uarereken te koraa. (Ngkana koraan te makeke e aki kona n reke n am tabo, rinea te koraa riki teuana are ngkana e rikirake ao e na riki ni bubura, n aron koraan te koon are e riki bwa kain te koon.) Tuangia ataei bwa a na tara Ruka 17:5–6. Ikotaki ni warekia. Manga wareki koroboki aika tabu ni kamataata ae Abotoro a tangiria ni karikirakea aia onimaki. E tuangia Iesu bwa te onimaki ae uarereke e kona ni kamwainga te aroka ae bubura. E taekinna Unimwaane David B. Haight (1906–2004) man te Kooram n Abotoro ake Tengaun ma Uoman: “E aki toki n taekinna nakoira Beretitenti Hinckley taekan karikirakean te onimaki … . Bwa te onimaki e riki man maiuakinan moan tuua n te euangkerio, ni maiu n aron are ti bon riai ni karaoia” (“Faith of Our Prophets,” Liahona, Jan. 2002, 26). Ngkana ti kawakin tuua, ti na bon karikirakea ara onimaki. Ngkana ti karikirakea ara onimaki, ti na bon karekea te iango ae korakora ni kawakin tuua.

   Anenea “Keep the Commandments” (Hymns, no. 303). Katoaia ataei ma te mwakoro ni beeba ao te bentira ke te kureiaon. Tuangia ataei bwa a na rukuma te beeba nakon aua te mwakoro. Titirakinia bwa a na korei aua tuua ake a kona ni kawakin (tara “Drawing Activities,” Teaching, No Greater Call [1999], 166–67). N aron kairan aia iango bwa tera ae a na koreia, tuanga te tia katanga te biaano bwa e na katangi anenen te Moanrinan aika kakaokoro ni kaineti ma tuua n aron te bwabetito, tataro, kabwianibwai, ao a bati riki. Angania aia tai ataei bwa a na kaoti man tibwauai aia tamnei ake a tia ni korei. Kamataata bwa a na kanga ni buokaki ni kawakin tuua ngkana a karekea te onimaki. Tibwaua te bwai ae a tia n riki iroum ngke ko a buokaki man am onimaki ni kawakin Ana tua, ao ni kakoaua Ana tangira ibukim.

3. Reirei man te Anene: “I’ll Follow Him in Faith” (Riaona, Beberuare 2003, R16; ke N na Iriiria n te Onimaki: 2007 Kanoan Aia Bootaki Ataei Ae A na Karaoia n Tain te Bootaki n Toa [2006], 11). Kamataata bwa te anene are “N na Iriiria n te Onimaki” bon tabeua rinanin kakabwaia nakoira mairoun te Atua. Korea 1, 2, 3, ao 4 iaon te burakibooti. (Ko na bae n tangiria ni kaota te reirei man te anene aei inanon uoua te mwakoro, n angareirei iaon kibuna n tatabeua ni katoa wiiki. Korei ni kabane nambwa ake aua, ma ti angareirei iaon uoua kakabwaia ake a moan taekinaki n te moan wiiki.) Titirakinia ataei bwa a na kakauongo nakon te moan kakabwaia. Anene “E a tia te Uea ni kakabwaiai ma koaua n te euangkerio,” ao imwina anenea “la, la” ni karokoa uoua rain ake imwiina. Ngkana a kaeka ataei, korea “koaua n te euangkerio” imwiin 1. Tuangia ataei bwa a na anenea taekana nakon kakabwaia nakoim, ao imwina “la, la” ni karokoa uoua rain ake imwiina, n aron are ko a tibwa karaoia. Iira naba aron are a tia ni karaoaki ibukin “E a tia te Uea ni kakabwaiai ma te onimaki ae bebete.” Kamataata bwa te itera are a tia n aneneia “la, la” e na tuangira riki taekan te kakabwaia. Ngkana ko a angareirei iaon kabanean rain, tuangia ataei bwa a na kakauongo nakon taeka ake titebo tangiia (koaua/kairake; ota/eti) inanon mwakorona aika kakaokoro. Tuangiia ataei aron am kakaitau ae mwaiti ibukin ana kakabwaia nakoim Tamara are i Karawa. Kakoaua ana tangira te Atua ao kakawakin iran ana banna ni katooto inanon te onimaki.