Iango ibukin Bootakin te Utu n te Tairiki

Iango aikai a kona ni kabonganaaki ibukin te angareirei n te umwanreirei ao ai uana naba ma n te mweenga.

“E raoiroi Ataaki na,” iteraniba 26: Karekeia kaain te utu bwa a na kaoka te bwai are a tia n reiakinna ao n tibwauaia bwa e kanga te rabakau anne ni kona n tia ni buokia. Maroroakinna bwa e kanga aron kamatenikunaan Taekan te Onimaki n tia ni buoka Kong Nhean Sewrey. Rinea te kibu teuana ke te anene ae a kona ni kamatenikunai kaain am utu ni kabane.

“Spencer W. Kimball: Te Aomata ni Mwamwakuri,” iteraniba 28: Titirakinia kaain am utu bwa antai te burabeti ae rangi ni kinaaki n ana taeka ae, “Karaoia,” ao, “Ti na karababa ara kaantaninga iaora ao ni mwakuri korakora.” Kaota tamnein Beretitenti Kimball. Toana temanna imwin temanna bwa e na wareki karaki man te koroboki anne, butimwaea kaain te utu bwa a na kina raoi te boto ni iango. Imwin te kabanea ni karaki, anenea “Ngai Natin te Atua” (Anene, no. 301) Kainna ni warekan ana berita Beretitenti Kimball anne n te kabanea ni barakarabe n Taekan te Onimaki.

“Bwa Ana Karikirakeaki Ao Ana Ikotaki ni Kimwareirei,” iteraniba 38: Tuangiia kaain te utu bwa a na kaekai titiraki aikai: “Tera ae ko na karaoia ngkana ko kunea n am iango bwa ko a mena inanon bootakin te toa ae kabotu?” Maroroakina aia kaeka aika kakaokoro. Tibwaua ana kaeka Beretitenti Kimball nakon te titiraki ae aekakin aei. Kaewenakoia kaain te utu bwa a na toua mwin ana katooto n riki bwa te aomata ae kan reiakinaki ao ni karekea te Tamnei (tara Tua ma Berita 50:13–22) ngkana a kaei bootakin te Ekaretia.

“Tamau, I kamoamoa Ibukim!” iteraniba 46: Takakarona te takakaro ae ko na kona iai n noria bwa antai ae kona n aki karongoa n te tai ae maan. Ngkana e toki te mabu, ao maroroakina kangaangan te aki karongoa. N te tai are ko wareka iai te karaki aei nakon te utu, tuangia bwa a na kakauongo raoi bwa e aera e kakawakikaukan wiin temanna n taetae ngkana ko kairoroaki. Kaota am kakoaua iaon te kakauongo nakon ao iriirakin ana wirikiriki te Tamnei.

“Kaitaaraan te Maaku,” iteraniba R14: Wareki taian moan aua ni barakarabe man karakin Tricia ni kabwarabwara bwa e aera e maku. Titiraki, “Tera ae ti kona ni karaoia ni tokanikai iaon maa kura?” Kabanea wareka ana karaki Tricia, ao kakoaua ni mwaakan te tataro ao anene n taromauri ao aia anene ataei n tokanikai iaon maakura.