N te tabo ae Raoiroi—Naomi Hug ibukin Münchenstein, Switzerland

Naomi Hug, 10, titebo rorona ma ana uoote. N ana tai ana uoote ni kauringaan ana ka10 n ririki, ngaia ae moan anga ana taetae n tain te taromauri n toa. E rangi ni mimi bwa e roko namakinan te kan tang irouna! “E rangi ni korakora te Tamnei irouna, I aki kona n taekinna bwa mwaitira are I namakinna,” e koroia n ana boki n tau mwin rongorongo. E tuangiia kaain ana uoote, “I karabwarabwa ngkai I a tia ni bungiaki irouia au karo aika kaain te Ekaretia. I namakina ae ai aron ae I mena n te tabo ae Raoiroi.”

E karaoa ana kaawa Naomi ae Swiss ni katamaroa n tibwauaan ana tarena, ana kakoaua, ao moangarena ma aomata ake a maeka ikekei.

Mamaten nanon Naomi te kiniki ao ni barongai uee. Tibuna te unaine, are iai ana titoa ni uee, e kariaia bwa e na ibuobuoki. Ngkana e titirakinaki bwa tera ana uee ae tatangiria, e wiingare ao man katoua atuna. “Eng, ma I aki ataia bwa tera arana!”

Iai naba tibuna aika maeka i Zollikofen, tao e kaan teuana te aua kaeana mai Münchenstein. Tibuna te mwaane bon te beretitenti n te Bern Switzerland Temple, are tei i Zollikofen. Kaain te utu ni kabane a nanako ikekei ni kawaria n tain te Kiritimati, ai ngaia are Naomi e reke naba ana tai n nooria ana utu ao n nakon te tembora naba.

Iai aman tarina aika: Natascha, 9; Marica, 5; Sinja, 4; ao Piera, 2. Tera te bwai ae moan te tamaroa ibukiia taari? e taku Naomi, “Ngkana ko kan takakaro, ko aki kona n takakaro n ti ngkoe.”

Naomi ao Natascha a tangiria n takakaro ma te maabora i tinanikun aia auti. Ma e kananokawaki, e taku Natascha, ngkana e reke iroun tarim am maabora ae ko tatangiria!

A uaia ni kukurei ngkana a uaia ni katangitang. E oro turam, ao Natascha e katanga te bwai ni katangitang ae ukaki. A kataneiai ni katangii bwain katangitang ma ataei, ke cliquen, ni katoa te ririki ao ni kamataku inanon Beberuare. Anne ngkana a kauringaa iai ana bong te tautaeka i Swiss inanon teniua te bong, kanikina aika kamakaanako te kamwaitoro ao a butimaea te tiburing. Natascha ao Naomi a bwainiia ni kunnikaiia ni kawai ao a mwaati rinanon kawain te botanaomata i Basel ni katangi aia bwai ni katangitang.

Basel, tabeua te tai rinanon te tia mai France ao Germany, bon te kabanea ni kaan n tabo nakon ana kaawa Naomi. Anne te tabo are ko kona iai ni miiakina te kawai ae kaan 1,000-te ririki-manna ao ni matakuakin booti ni beibeiti rikaaki inanon te Karanga ae te Rhine.

Iai aua aekan taetae i Switzerland—German, Italian, French, ao Romansh—ma angiia ataein te reirei a reiakina riki te taetae ni Ingiriti.

E taetae Naomi n German ao ni Ingiriti, ma e kawakin ana boki n tau mwin rongorongon te taetae n German. A buokia n kauringnga taai aika kakawaki n aron ana taetae n te Moan Rinan ao te bwabetito. N te tai aei e reiakina te taetae n French ao e rangi ni kukurei iai—rimwi riki ao ana karo aki taetae ni French imatana ngkana a kan tibwai bwaai aika a karaba!

Te utu ae Hugs a taetae ni Ingiriti inanon aia tai ni bootaki n te utu n te tairiki, n aron are a kakaraoia ni mweengaia, ibukina bwa e buokia natiia ni karaoiroa riki aia taetae. Aki toki n nakonako nakon aia kaintekateka ibuakon aroka irarikin aia auti ibukin karaoan aia bootaki ni utu n te tairiki. A arana aio bwa “te kaintekateka n te bootaki n te utu n te tairiki.” Te rianna aio bon te katei ae a mamate nanoia iai ao e uotaki rikaaki mairoun tinan Naomi ngke ataeinaine ngaia ae uarereke.

E ngae ngke te aeka n taetae tera, ma aki toki ni kataia n tainako Naomi ao ana utu n atongi taeka n tangira ao n akoi. Te tangira bon te bwai ae karika te tamaroa n te tabo ao namakinan te mweraoi iai.