Teniua Booki aika Uarereke a Buokia Naake a Reiakina Taekan te Ekaretia

N reitaki ma katamaroan teniua booki aika uarereke man boou ibukia mitinare, taan ukeuke a na kona ngkai ni karekei booki ni wareware ao ni karaua n iangoi kanoaia n tokin aia moan kateniua n reirei ma mitinare.

“Ni katoai tokin waaki n reirei nako, te tia ukeuke e na tiku ma te bwai teuana ae na warekia,” E taekinna Beretitenti Gordon B. Hinckley inanon te Moan Bootaki ni Kataneiai ni Kairiiri ni Kabuta te Aonaaba. “E kona n ae te mwakoro ae rineaki ma Ana Boki Moomon. E na kona n ae booki riki tabeua. Man e na iai n taainako te bwai teuana ae na warekia ao n iangoia, ni karaua ni warekia ao ni kaoka iangoana” (Worldwide Leadership Training Meeting, Tianuare 2003, 20).

Te boki ae uarereke aei e na karekea te ibuobuoki nakoia taan ukeuke are a na kona n rairaki nako iai n ae bon ti ngaia ke n te kurubu. N aitara raoi ma te moan teniua n reirei irouia mitinare ake a kuneaki inanon Tataekina Au Euangkerio mwakoro teniua, booki aika uarereke aikai a karekea ataan nanon kaekan titiraki ake a na kona n roko n te iango imwiin nakoia mitinare bwa e na katauraoa te tia wareware nakon reirei n taai aika i mwaina.

Booki aika teniua n aron aikai—The Restoration, The Plan of Salvation, and The Gospel of Jesus Christ—bon te boki ae uarereke are kanoana bon kakimototoan moan tuua inanon te reirei anne, ma titiraki ibukin te kamatebwai ao nanon taeka ake tao aki nang kinaaki. Titiraki n aiaron “N na kanga n ataia?” ao “N na kanga n tataro?” a bon kaekaaki, taraan kanoan bootaki n te Taabati e na tuanga te tia ukeuke bwaai ake e na kona ni kaantaningai, ao rinanin mwioko a karekea te kawai ni kamatebwaian koroboki aika tabu ao iango n reiti bwaai ni ibuobuoki.

Inanon 2006 a bane mition ni kabuta te aonaaba ni karekei booki aikai n te taetae ni Imatang. A kaungaaki mitinare bwa a na kamatebwai booki aika uarereke aikai inanon aia tai ni katauraoi aia reirei ao ni manga okiri inanon aia angareirei. Booki aikai a kanoaki n taian korobanna ao rawetamnei ake a kona ni kabonganaaki inanon te angareirei, ao n rinanon booki aika uarereke aikai, a kona mitinare ni kauringiia ibukin mwiokoaia, kaoia nakon te Ekaretia, ao kaotia nakoia te mormon.org. A kaungaaki kaain te Ekaretia bwa a na tibwaua te boki ae uarereke aei ma aia utu ao raoraoia.

Te kaantaninga ibukin booki aikai, man moanakin iteran buokan Tataekina Au Euangkerio, a tabe ngkai n rairaki nakon taetae are na boreetiaki te bokinreirei aei, ae raka nakon 50 mwaitina.

A kona ni karekeaki booki aika uarereke aikai man te tienta n tibwatibwa n te U.S. ao Canada ke n te ldscatalog.com n te boo ae U.S. $2.50 ibukin te bakete ae 25 kanoana.