Te Nu Tetemanti
Iai 27 booki inanon te Nu Tetemanti. A kona n tibwauaaki inanon aua te mwakoro. Ni karaoan te booki ae uarereke are e na kabwarabwara kanoan te Nu Tetemanti, korokoroi nakon baoki iaon te rain ae matoatoa. Karaoi bwangabwanga rinanon kanikinaa n te koona n te maing ane n te baoki. Karinani baoki n rinaniia n te nambwa. Kanimwa ibon irouia ma te mwakoro ni karai, te kora, ke te reeben rinanon te bwangabwanga ao ngkanne kabaea n tabon te kai.
Baika ana taraaki: Ngkana ko aki tangiria ni kan kamwaingi baan te beeba ni kaongora, te mwakuri ni kakukurei aei e kona ni kaeweaki, ni kataneaki, ke ni kaeweaki man www.lds.org. Ibukin te Ingiriti, kiriki iaon “Gospel Library.” Ibukin taetae tabeua, kiriki iaon maben te aonaaba.
Euangkerio, ke taian Kakoaua
Iai inanon te Nu Tetemanti booki n aron Mataio, Mareko, Ruka, ao Ioane. Aikai ake aranaki bwa te naan Euangkerio, ke taian Kakoaua, ibukina bwa booki aika aua aikai a taekina rongorongon Iesu Kristo—Bungiakina, Maiuna ao ana reirei, Taurakina, ao Manga Utina.
Aia Mwakuri Abotoro
Iai inanon te kauoua ni itera n te Nu Tetemanti te boki ae ti teuana bwa, aia Mwakuri Abotoro. E taekinna bwa a kanga Abotoro ake Tengaun ma Uoman n reitanako te reirei n te Ekaretia ao ni katea te Ekaretia imwiin maten Iesu Kristo.
Reeta ke taian Reta
Te kateniua ni mwakoro n te Nu Tetemanti aranaki bwa reeta ke taian reta. Iai inanona tabeua reeta ake a koreaki irouia taan kairiiri n te Ekaretia ngkoa nakon mwakoron te Ekaretia aika kakaokoro, n reireiaki iai taian tua n te euangkerio ao ana kanga ni maiuakin. Tabeua ibuakon reeta aikai aranaki n aran kaawa ake a maekanaki irouia taan onimaki, ao tabeua aranaki irouia ake a bon korea te boki.
Te Kaotioti iroun Ioane te Tamaroa
Ni kabanean mwakoron te Nu Tetemanti teuana te boki kanoana, te Kaotioti N aro n Atua iroun Ioane. Kamanenaan taian kanikinaa ao taian katooto, e taekinaki aron ana mwakuri te Tia Kamaiu Iesu Kristo ma aomata rinanon rooro ni kabane n rongorongon te aonaaba. E taekina naba Ana Kauaoki Iesu, te Ngaa n Ririki, ao te tai are te aonaaba e na riki n tiretio.