Te ai ni bwanibwaniu

E rangi ni maan ni karokoa I a tokara au ka-15 n ririki ao I a katanoata au kakoaua. I a tia n aki nanokokoraki ni bwaninin koauan te euangkerio, ma e anganai moanakin au kakouaua n te Ekaretia ao n ana Boki Moomon au moan ririki n te tieminari.

Inanon tain te kabuebue imwiin moan au ririki anne n te tieminari, e a karaoa ana maungatabu te roronrikirake ara titeiki n teuana te tabo ni kaemba. E kainaki te maungatabu ma te bootaki ni kaoti kakoaua are bon akea au atatai ae N na kaota au kakoaua. N te tai ae waekoa ao e wirikirikinai te Tamnei bwa N na riai n teirake ao ni kaota au kakoaua. I katokia, ma e teimatoa au namakin n tuangai bwa N na riai n teirake. N tokina I a motikia n au iango bwa N na kaota au kakoaua, ao ngke I a karaoia e a roko te namakin ae aabue ae korakora ai ngaia are I a namakinna bwa e matoatoa au namakin iai.

Mai ikanne ao are I a reiakina naba kakaawakin kaokaotakin au kakoaua, bwa ni katoa te tai are I kaota iai au kakoaua e rikirake au kakoaua. N na teimatoa ni kaota au kakoaua n reken tain karaoana inanon maiu.