Karinan n Iango
Tokanikai iaon te Kariiriaki
Te kawai ni koaua ibukin te tokanikai iaon te kariiriaki bon totokoana n te moan tai. Beretitenti Boyd K. Packer, Bonomwi ni Beretitenti n te Kooram n te Tengaun Ma Uoman, e karakina kawaran te tabo ni man iaon Africa are e kauringaki iai bwa e na kararoa man te bwariko n ran ae uarereke. Te tabo n aki akaka ae iai te ran iai—e ngae ngke te ran ae onrake ni mwanekan te erebwanti—e kaireke inanona te korokorotaire n tataninga irarikina. (Tara “Spiritual Crocodiles,” Riaona, Okitobwa. 2002, 8.)
Aikai iango aika a kona ni buokiko man taian “bwariko n ran” aika kakamaku:
-
Totokoi taabo ke mwakuri ake ko ataia bwa a na kona ni karekea te kaririaki. Ke, ti tebo ma ko tataninga n te tabo ni kariki n am tai ni kauarerekea kanam.
-
Karaurau ma aomata aika tiaki ti tebo kateim ma ngaia ao man aki karinei. Bon akea te kanganga ngkana ko iraorao; ko kona ni kaoia nakon am waaki ni kukurei aika tamaroa. Ma kararoako man aia tabo.
-
Taratara te tai. Ngkana e a taira ao ko a kua, e na keerikaki naba am totoko.
Irarikin are totokoan taian kaririaki, ko kona ni karaoi tabeua kawai bwa ko aonga ni kamaiuaki iai:
-
Rinea am bwai ni kakakibotu— tamnei, TV, takakaro, anene, ao tabeua riki—are e na bootau ma te kainibaire are e koreaki n Ibukin Kakorakoraia Kairake.
-
Kabanea am tai n taabo ke waaki ni kakukurei ake a tamaroa ibukim, ma aomata aika a rietata aroia.
-
Kateimatoa korakoram n tamnei ma te tataro ni katoa bong ao te reirei iaon booki aika tabu ao kaean te taromauri ni katoa wiiki.
-
Katamaroa am ururing. Uring am berita n te bwabetito. Uringa bwa ko riai ni kororaoi ngkana ko taua te toa. Uringa te Tia Kamaiu ao te bwai Ae karaoia ibukim.
-
Kamatenanoa taekan te anene ae mamate nanom iai. Aneneia ke iangoia ngkana a roko iango aika aki tamaroa. Ke takarua n taekina Taekan te Onimaki ke kiibu man booki aika tabu aika ko a tia n reiakin n am iango.
“E kakaonimaki te Atua, ae bon aki kitani ngkami bwa kam na kaririaki n te aro ae kam aki kona n teimatoa iai; ma E na karaoia bwa raon te kaririaki kawaimi ni biri nako ma iai, bwa kam aonga ni kona n taon nanomi” (1 I-Korinto 10:13).