N na Rimwiina n te Onimaki

“Ao nooria, e na kawaria ana botanaomata, bwa e aonga n reke te kamaiuaki nakoia natiia aomata eng, rinanon onimakinan arana” (Motiaea 3:9).

Iesu Kristo bon ara Tia Kamaiu. E tangiriira. E tangiriira bwa e na iai ara onimaki irouna ao n rimwiin te katooto are E karaoia ibukira ngke E maeka iaon te aba. Kanakoa te boutita ibukin te ririki aei man te maekatiin, ao katinea inanon am ruu, are e na kauringko bwa kona iango ibukin te Tia Kamaiu. Ni katoa otinakon te maekatiin n te ririki aei, ko kona ni kunea te itera ni baa ae karanaki ma te boto ni iango ao kiibu aika tabu. Karana te tamnei, ao katinea irarikin te boutita. N te tai are ko taraa iai te tamnei, kataia ni karikirakea am onimaki ao am koaua, rimwiin te Tia Kamaiu, ao maiuakina Ana euangkerio.