Ko na kanga ni karekei iango aika raraoi n aki totoki
Aikai tabeua bootaki ni kakukurei n te iwawaaki ao iango ibukin bootakin te utu n te tairiki ake a kona ni buokiko ni kariaia tamaroam bwa e na kanakoraoaam iango:
-
Kamatenikunai ke tuoa te katebwi ma teniua n taekan te onimaki. Tera ae nanonna nakoim? Karinani kawai ake ko kona iai ni “kakaei imwin bwaai aikai.”
-
Karinani taeka aika titebo nanoia ma raoiroi ao karaoan ae raoiroi. Ko na kanga ni kabonganai taeka aikai ni maium?
-
Tera ae nanonaki n te itiaki? E aera te ran e riai ni itiaki imwain ae ti nimma? E aera ngkai a riai ni itiaki ara iango?
-
Wareka rongorongon Iotebwa ngke e waekoa ni kitana buun Botiba ni Karikani Bwaai 39. Ningai ae ko na kitanna ao kaotinakoko mai iai? Ko na kanga ni mena inanon te aonaaba ma tiaki n te aonaaba?
-
Karaoa te boki ae uarereke ma kiibu aika ko tatangiri keiango ma irouia kairake n ateinmwaane ao kairake n ataeinnaine n tatabemania nako inanon am uoote.
-
Rinea te “kibun te wiiki,” ao katekea n te tabo are ko na kona iai ni warekia ni katoa bong. Taraia bwa ko na kona ni kamateni kunai nimabwi ma uoua kiibu n te ririki aei—teuana ni katoa wiiki. Ngkana ko kamatenikunai kiibu aika a rangi ni kakaawaki, ko a tia ni kabanea iteran am kouru!
-
Karaoa am berita bwa ko na tabuiko man karaoan ke taekinan bwaai aika a na kamangora karinean Tamam are i karawa.
-
Ma am kooram ke am kiraati, karaoa am berita bwa ko na totokoa te tamnei ke booki ni bwai- tingako. Ko na kanga ni buokia raom?
-
N aron te utu, iangoi kawai aika ko kona iai ni kaota am tangira ao am boutoka nakon temanna ma temanna rinanon taeka ma mwakuri aika raraoi.
-
Wareki ao kamatebwai Mwakoro aika “Entertainmaent and the Media” ao “Taetae” inanon Ibukin Kakorakoraia Kairake. Kanikinaea te taeka ae Te Tamnei inanon taiani mwakoro akanne. Karinani kawai ake Te Tamnei e kona ni kakabwaia maium ngkana ko maiuakin aroaroa aikai.
-
Maroroakina te mweeraoi man te intanete ke bwaai ni kaongora n aron reerio ke nuutibebwa n te kiraati ke te kooram ao n te utu.
-
“E tabu bwa ana bwai Iehova” are korobokiaki man kanimaki n taian tembora. Maroroakinna bwa a kanga iango aika raraoi ni buokiko ni katauraoiko nakon te tembora. Ngkana e kona n reke, ao kawara te tembora ni karaoa te bwabetito ibukia maate.
-
Kamatenikunai uoua kuuna aika mamate nanom iai are ko kona ni katangnga inanom ke n anenei n onei mwiin iango aika buakaka n taeka aika tamaroa.
-
Mwakuri iaon Beku nakon te Atua ke Oin Rikirakem. N te mwakoro are karikirakean te tamnei n Beku nakon te Atua ke mwaitin te etieti inanon Oin Rikirakem “e na kona ni buokiko n atatai riki iaon te itiaki ao taiani kakabwaia man karekean te anua ae raoiroi ni katamaroa [m] iango n taai nako.”