Te mau opuaraa no ananahi

Ua ho‘i mai au na te misioni ma te mau ti‘aturiraa e rave rahi no ni‘a i te ohipa. Noa’tu e ua rave na vau i te ohipa na mua’tu, aita râ to‘u e aravihi, no reira ua rave au i te mea e nehenehe ia‘u no te imi i te ohipa, aita râ vau i mauruuru noa‘e e aita vau i ite noa‘e i te tahi haereraa i mua i roto i to‘u nei oraraa no ananahi.

I hinaaro noa na vau i te haere i te haapiiraa, aita râ i nehenehe ia‘u ia aufau i te haapiiraa, e aita e maraa i to‘u nei utuafare ia tauturu mai ia‘u.

I te taime a haamatahia’i te Afata Moni Tamau no te Haapiiraa, ua ite au i te hoê rave‘a no te taui i to‘u oraraa no ananahi. Ua ti‘aturi au i to‘u Metua i te Ao ra no te tauturu mai ia‘u, e no reira ua ma‘iti au i te hoê haapiipiiraa na roto i Ta’na faaururaa.

Ua ma‘iti au i te haapii i te toro‘a tuati ma‘i. Ua titau ta‘u nei haapiipiiraa e rave rahi haapiiraa e te haapa‘oraa. Ua anaanatae roa râ vau i te ohipa tuati ma‘i. E toru ava‘e i muri a‘e i to‘u fariiraa i te parau tuite, ua noaa ia‘u te hoê ohipa i te hoê o te mau fare ma‘i maitai roa‘e i Alagoas, te fenua Berezilia.

E rave rahi ta‘u mau opuaraa no ananahi. Te opua nei au i te rave i te tahi atu â haapiiraa i roto i te ohipa tuati ma‘i, e ua haamata vau i te aufau i ta‘u mau tarahu ia nehenehe ia vetahi ê ia fanao i te rave‘a no te fariiraa i te haapiipiiraa e te mau haamaitairaa o te apee i te reira.