TE TAVINIRAA IA VETAHI E
A tavini ia vetahi ê i roto i ta outou mau piiraa i roto i te Ekalesia e i roto i to outou utuafare, fare haapiiraa e to outou oire. A imi i te mau mahana ato te aratairaa a te Varua Mo‘a no te ite o vai ta outou e tavini e nahea te tauturu i te pahono i ta ratou ra mau hinaaro.
Ua haapii te Arii Beniamina, « a tavini ai outou i te taata nei, te tavini nei ïa outou i to outou Atua ra » (Mosia 2:17). E rave rahi te mau rave‘a no te tavini ia vetahi ê, te aau mau râ e te aroha o te taviri ïa. Teie te tahi atu mau rave‘a e mau mana‘o nahea ia tavini:
-
Eiaha e haamo‘e e na mua roa te taviniraa i to outou iho utuafare.
-
A faatano i ta outou taviniraa i ni‘a i te mau hinaaro o te taata. A feruri eaha ra te mea ta te hoê taata e au, e hinaaro aore râ e titau nei.
-
A faaohie i te mau ohipa taviniraa, e a faaohipa i te tahi atu mau taata i roto i te opuaraa e te faatereraa i te reira mau ohipa.
-
Ua riro te hoê mata ataata, te hoê hoho‘a anaanatae, te hoê tari‘a faaroo, te haapoupouraa mau, e te mau ohipa maitai e ravehia i roto i te mo‘emo‘e e mau huru faufaa rahi ïa no te taviniraa.
-
A haamana‘o e a faaohipa i te a’o tei horo‘ahia i roto ia Mosia 4:21. A faaite hua atu te reira ia vetahi ê.