TE FAAOAOARAA E TE MAU HOHO‘A
A ma‘iti i te mau faaoaoaraa o te faateitei. A ape i te mau mea ino atoa, te faufau, te viivii, te hauti puai, aore râ te hoho‘a faufaui. A faaoti i te haapa‘o i te mau faito ture a te Atua.
No te rau o te mau huru faaoaoaraa e haati nei ia tatou, e rave rahi ïa te mau ma‘itiraa. Teie te tahi mau aratairaa no te tauturu ia tatou ia ma‘iti i te faaoaoaraa o te faateitei i te varua.
-
Hou a hauti ai i te hoê pereraa video aore râ te mata‘ita‘iraa i te hoê teata, a imi i to’na faito e te mea e vai nei i roto.
-
A ui ia outou iho mai te mea te vai nei te tahi mau mea eita e tano i roto i te pereraa aore râ te hoho‘a teata, noa’tu eaha te huru o te faito. A ape i te mau mea atoa o te faatea ê i te Varua.
-
Mai te mea e ere te hoho‘a aore râ te hauti i te mea tano, e mea maitai ROA ia haere atu i rapae, ia tupohe, aore râ ia vaiho i te reira.
-
A maimi i te mau hauti, te mau hoho‘a teata e te pehe o te faateitei i te varua o te faaoraora atoa i te feruriraa.
-
A ora i te oraraa atea ê roa i te afata teata, te mau niuniu afa‘ifa‘i, e te mau matini roro uira, mai te haereraa na ni‘a i te mou‘a, te taahiraa i te pereoo taataahi, te haapiiraa i te hoê taleni apî aore râ te haapiiraa i ni‘a i te tahi atu mau peu tumu.
-
A rave i te mau faaoaoaraa o te faaohipa i to outou feruriraa e o te tape‘a maitai noa i to outou nei tino.