Mana‘o

Ua mauruuru roa matou no te mea ua nehenehe ia matou ia farii i te Liahona i ô nei i Vanuatu. E mea faahiahia ia tai‘o no ni‘a i te mau taata i te mau vahi huru rau e te iteraa te huru o te tereraa i mua o te Ekalesia na te ao taatoa nei. E rave rahi te mau mea ta matou i haapii na roto i te ve‘a. Ua haamaitai te reira i to matou nei oraraa, e e ua taui matou na roto i te teie ve‘a.

Amos Tarohati Zoro, Vanuatu

Ei orometua haapii no te Haapiiraa a te Evanelia i roto i ta‘u nei paroita, te mauruuru rahi nei au no te ohipa rahi ta outou e rave e te LDS.org. Ua taoti‘ahia te parau faati‘a ia fatu e ia titau i te mau buka a te Ekalesia i roto i to tatou tufaa fenua. Ua riro te uputa i te mau papa‘iraa mo‘a e te mau buka a te Ekalesia mai te faturaa i ta matou iho auri pape i roto i te hoê apoo pape mâ. Ia ite outou e te faatupu nei ta outou mau tautooraa i te hoê taaêraa mau i roto i te oraraa o to matou mau melo i te mau mahana atoa. Auê ïa temeio e no ratou ia farii i te parau poro‘i a to tatou Metua i te Ao ra na roto i to ratou iho reo tumu.

Tape‘ahia te I‘oa

Auê ïa vau i te mauruuru no te fariiraa i te Liahona i roto i to‘u nei oraraa ! Te ite nei au i roto i te ve‘a te mau parau faauruhia o te nehenehe e tauturu i te mau taata atoa, e melo anei aore râ aita no te Ekalesia. Te faaite mai nei te mau parau poro‘i a te Peresideniraa Matamua i to ratou ra here ia tatou, e ua î te tufaa o te mau reo o te feia mo‘a i te mau mahana hopea nei i te mau hoho‘a maitai ia pee atu. E tai‘o vau i te ve‘a mai te api matamua e tae atu i te api hopea no te mea ua ite au e haaputapû mai te Varua ia‘u e e haapuai oia ia‘u ia na reira anae vau. Ua ite au e na roto i teie nei ve‘a e haaputapû te maramarama o te Mesia i te taata, e te haamauruuru nei au ia outou paatoa no te faati‘araa i te reira.

Cristophe Jaime, Portugal

Ia tai‘o ana‘e vau i te Liahona, e ite au to‘u fana’o rahi no te riroraa ei tufaa no teie ohipa rahi a te Fatu. Te tauturu mai nei te Liahona ia‘u ia riro ei hoê melo maitai no te Ekalesia. Ua ite au e e nehenehe te Liahona ia riro ei mauhaa faahiahia no te ohipa misionare. Ei melo e nehenehe ta tatou e tauturu ia vetahi ê ia haere mai i te Mesia ra. Ua riro te Liahona te hoê o to‘u mau hoa maitai roa‘e.

Galsanjamts Dashdavaa, Mongolia

Te mauruuru nei au e ua tauturu mai to tatou Metua i te Ao ra ia‘u ia ite i Ta’na Ekalesia e ia riro mai ei melo. Ua haapii mai au i te mau parau mau faahiahia, ua riro mai au ei taata maitai a‘e, e te faaineine nei au no te ora mure ore. Te oaoa rahi nei oia no te mea e tufaa to‘u nei utuafare no te Ekalesia a Iesu Mesia i te Feia Mo‘a i te mau Mahana Hopea nei e aita tatou i vai tatou ana‘e – e mau taea‘e e e mau tuahine to tatou. Ua riro te Ekalesia ei puai no matou i roto i te mau matahiti fifi. Ua mauruuru matou i to tatou Metua i te Ao ra e ia Iesu Mesia e i te peropheta e te mau aposetolo atoa o te tavini nei ia tatou.

Susanna Martirosova, Armenia