« Teie te hoê taime faahiahia no te ora i ô nei i ni‘a i te fenua nei. Aita e otiaraa no to tatou mau rave‘a. Noa’tu e te vai nei te tahi mau mea hape i te ao i teie nei mahana, te vai nei e rave rahi mau mea ti‘a, mai te mau orometua haapii e haapii nei, te mau orometua e tavini nei, te mau faaipoiporaa e manuia nei, te mau metua e faatusia nei, e te mau hoa e tauturu nei.

« E nehenehe ta tatou e faateitei ia tatou iho, e ia vetahi ê atoa, ia patoi ana‘e tatou i te faaea i roto i te ao o te mau mana‘o tahitohito e ia faatupu i roto i to tatou mau aau te hoê varua mauruuru. Mai te mea e ti‘a ia numerahia te mauruuru ore i roto i te mau hara ino roa‘e, tei roto ïa te aau mauruuru i te mau maitai hanahana roa‘e…

«… E faaite na tatou i te mauruuru no to tatou Fatu e Faaora, o Iesu Mesia. Te horo‘a mai nei Ta’na evanelia hanahana i te mau pahonoraa i te mau uiraa rahi roa‘e o te oraraa : No hea mai hoi tatou ? No teaha tatou i haere mai ai i ô nei ? E hae- re to‘u varua i hea ia pohe ana‘e vau ? »

Peresideni Thomas S. Monson, « An Attitude of Gratitude », Liahona, Me 2000, 4, 8